.webp){kind=icon}
Арктичкиот студен бран што ќе ја зафати Западна Европа оваа недела ќе биде првиот тест за тоа колку луѓето се подготвени да го одложат вклучувањето на греењето во обид да заштедат енергија и да го намалат влијанието врз буџетот на домаќинствата.
Според прогнозата на Maxar Technologies, во текот на ноќта на 27 септември температурата во Лондон ќе биде речиси пет Целзиусови степени под просекот, односно ќе се спушти на само 6,5 степени. Во Франкфурт, Германија, на 28 септември се очекува температурата да биде 3,5 степени под просечното ниво за овој период од годината, а делови од Франција и Шпанија исто така ќе се соочат со температури од три до четири степени под просекот.
Дистрибутерите на струја планираат зимава да ја рационализираат потрошувачката на енергија доколку е потребно. Заедно со барањето опции за замена на снабдувањето со природен гас од Русија, важно е и да се намали потрошувачката. Во идеално сценарио, потрошувачите го прават тоа доброволно, но доколку тоа не се случи, постојат неколку чекори што можат да ги преземат енергетските компании, а најекстремниот од нив е организирано затемнување или познатите рестрикции.
„На почетокот на следната недела ќе стане уште постудено бидејќи арктичкиот воздух ќе дува кон југ, а силниот северен ветер ќе го зголеми чувството на студ“, соопшти британската метеоролошка служба.
Bloomberg
Грејната сезона официјално започнува дури во октомври, кога температурите треба да се вратат во нормала, но овој топлотен бран ќе биде тест за енергетската дисциплина бидејќи владите се обидуваат да ја намалат потрошувачката на енергија во сите делови на економијата.
Додека владите издвојуваат милијарди евра за поддршка на потрошувачите кои се борат со зголемените трошоци за енергија, постои надеж дека многу луѓе нема да го вклучат термостатот дури и во постудените месеци.
„Постојат одредени знаци за намалување на побарувачката на домаќинствата поради зголемените цени“, објави EnergyScan, платформа за анализа на пазарот во сопственост на Engie. „Тоа допрва треба да се потврди во наредните недели.
Со оглед на тоа што многумина се враќаат во канцеларија, побарувачката за енергија треба да достигне врв во раните утрински часови и доцна попладне, особено затоа што ќе се вклучат повеќе светилки како што деновите ќе се скратат.
Во Британија, постојат знаци дека утринската побарувачка на гас е зголемена веќе оваа недела. Ова го покажуваат податоците на мрежниот оператор National Grid. Производството на ветер беше исто така ниско, потврдувајќи колку тешко ветровито време во комбинација со ниски температури може да биде оваа зима.
На почетокот на октомври треба да се врати потопло време, а се предвидува дека тогаш ќе се зголеми производството на струја од ветерот.
