Германските бизнисмени се повеќе се песимистични, проценува германскиот Институт за економски истражувања „Ifo“. Индексот за деловна клима, што го мери овој институт потона за 4,3 бодови на месечно ниво во септември, во споредба со август. Сега изнесува 84,3 бодови, што претставува најниска вредност од мај 2020 година.
Енергетската криза, војната во Украина, проблемите со глобалните ланци за снабдување, растечките камати, сето тоа прилично ги депримира германските бизнисмени, кои не беа толку песимистично расположени ниту на почетокот на пандемијата. Испитаниците од сите сектори, вклучително од индустрија, услуги, малопродажба и градежништво, сметаат дека ситуацијата во септември е полоша отколку во август.
Интересно е тоа што не ја оценуваат лошо само моменталната состојба, туку и блиската иднина, а со оглед на тоа што индексот на „Ifo“ е најважен показател за идните трендови во најголемата европска економија, очигледно е дека доаѓаат тешки времиња.
„Германската економија се движи кон рецесија“, истакна претседателот на „Ifo“, Клеменс Фуст, додека Ралф Умлауф, виш економист во една од сојузните банки, порачува дека поради континуирано високите потрошувачки цени и цената на природниот гас, несигурната испорака, геополитичките ризици и растечките каматни стапки, нема знаци дека состојбата во германската економија ќе се подобри во блиска иднина.
Инаку, „Ifo“ своето истражување го спроведува преку анкетирање на околу 9.000 германски компании од сите сектори.
.webp){kind=icon}
Во моментов нема коментари за веста. Биди прв да коментира...