.webp){kind=icon}
Францускиот оператор за пренос на гас GRTgaz во четвртокот за првпат започна со испорака на природен гас директно во Германија, исполнувајќи го ветувањето на Париз да помогне во олеснувањето на енергетската криза преку Рајна, додека Берлин ѝ помага на Франција да се справи со недостигот во производството на електрична енергија.
По завршувањето на работите, кои овозможија пресврт на историскиот тек кој беше насочен само кон запад, природниот гас почна да се движи кон исток, се вели во соопштението на GRTgaz. Операторот на мрежата отвори тендер за почетен капацитет од 31 гигават-час дневно, кој може да се зголеми до 100 GWh дневно, откако ќе се отстранат логистичките ограничувања.
Францускиот претседател Емануел Макрон и германскиот канцелар Олаф Шолц / Bloomberg
„Ова е прв пат Франција да испраќа гас директно во Германија“, нагласи Тиери Труве, главен извршен директор на GRTgaz. „Во случај на нормална зима, ние сме прилично оптимисти дека ќе ја задоволиме побарувачката во Франција, ќе го поддржиме производството на електрична енергија и ќе обезбедиме европска солидарност“, додаде тој.
Прочитај повеќе
Подготовката на германските реактори за работа зимава чини 100 милиони евра
Германија се подготвува да го продолжи работниот век на две од трите нуклеарки поради енергетската криза
12.10.2022
Ова би било можно при постудена зима доколку корисниците ја ублажат својата потрошувачка, потсети Труве.
Новиот трансфер на гас е дел од договорот меѓу францускиот претседател Емануел Макрон и германскиот канцелар Олаф Шолц за намалување на ризикот од недостиг на енергија. Русија ги намалува испораките на овој енергенс во Европа, а Германија е особено погодена, додека EDF (Electricite de France SA) се бори со помали расположливи капацитети на своите нуклеарни централи. Како дел од договорот, Германија се согласи да го одложи постепеното исклучување на два од трите нејзини преостанати нуклеарни реактори по крајот на годината.
Испораките од 100 GWh дневно би претставувале приближно една десетина од увозот на течен природен гас на Франција секој ден преку четирите терминали во земјата, појасни шефот на GRTgaz. Франција ја увезува оваа енергија по цевковод од Норвешка и повремено од Шпанија.
