Шолц: Германија е подготвена за прекин на испораката на гас од Русија

Германија и Европа се подготвени да се справат и да ги надминат последиците ако Русија одлучи повторно да ја прекине испораката на природен гас, изјави германскиот канцелар, Олаф Шолц.

„Германија е подготвена на тоа Русија да ја прекине испораката на природен гас поради војната против Украина“, рече Шолц, додавајќи дека неговата земја инсталирала терминали на својот северен брег за увоз на течен гас.

Најголемата европска економија е во центарот од континенталната енергетска криза бидејќи рускиот претседател Владимир Путин ја намали испораката во знак на одмазда за санкциите на кои што е изложена Русија поради војната во Украина. Се' поголема е и загриженоста дека Германија може да се соочи со бран на банкроти, како последица од кризата.

„Штедиме гас. Повторно ги користиме производните можности на електраните на јаглен. На почетокот од следната година ќе можеме да ги користиме и преостанатите јужногермански нуклеарни електрани ако има потреба од тоа“, рече канцеларот.

Неговата изјави доаѓа по големите критики за одлуката на германскиот министер за економија, Роберт Хабек, да задржи две од нуклеарните електрани како складишта за резерви.

Тој план доживеа колапс кога операторот со постројките се обрати до министерот Хабек, велејќи му дека „тоа не е технички изводливо ниту, пак, електраните се соодветно место за чување“.

Во моментов нема коментари за веста. Биди прв да коментира...

Остави коментар