.webp){kind=icon}
Претставниците на Европската централна банка (ЕЦБ) кои се залагаат за построга монетарна политика (т.н. јастреби) имаат за цел да започнат со отпишување на 5,1 илјади милијарди евра (4,9 илјади милијарди американски долари) од имотот на институцијата до почетокот на 2023 година, задржувајќи ги каматните стапки како примарен фокус на својата монетарната политика, велат неименувани извори.
Се појавува консензус меѓу некои членови на Управниот совет дека процесот на намалување на билансот треба да се одвива во заднина додека ЕЦБ се фокусира на одредување на трошоците за задолжување, велат изворите, кои побарале да останат анонимни.
Тоа би барало одлука во рамка која би можела повторно да се разгледа по некое време, додаваат изворите. Официјалните лица се залагаат за тоа обврзниците да доспеат, наместо да се прибегне кон продажба на долговите, иако таа опција не треба во целост да се исклучи. Тие, исто така, оставаат можност за да се продолжи со реинвестирање, со цел да се ублажи темпото на олабавување.
Портпаролот на ЕЦБ одби да ги коментира плановите за одмотување на билансот на состојба.
Јастребите на ЕЦБ ефективно го диктираа моментумот на монетарната политика од почетокот на јуни, со доминација над одлучувањето, што сугерира дека нивното мислење може да продолжи да има влијание.
Bloomberg Mercury
Официјални лица почнаа да разговараат за можната стратегија за т.н. квантитативно олеснување минатата недела на состанок во Кипар, објави шефот на централната банка на Луксембург, Гастон Рајнеш, во блог пост во средата.
Како да се започне со „растовар“ на обврзниците купени за време на неколку години стимулација е многу чувствителна работа за ЕЦБ. Нејзината монетарна политика беше фокусирана на тоа како построгите мерки би можеле да наштетат на одржливоста на долгот на Италија.
Шокот од приносите на обврзниците на земјата во јуни ги принуди официјалните лица да смислат нов кризен инструмент за да се обезбеди продолжување на зголемувањето на каматните стапки без да се наруши интегритетот на еврозоната.
Конфронтацијата на Банката на Англија (BOE) со превирањата на финансиските пазари во последните недели, на сличен начин ги илустрира опасностите од тоа како планот за намалување на поседот на обврзници може да тргне наопаку.
Холандскиот гувернер Клас Нот за телевизијата Bloomberg во средата изјави дека ЕЦБ би сакала да постапува поинаку од британската централна банка.
„Тие активно мораат да продаваат“ поради нивното долготрајно портфолио, рече тој. „Како во САД, имаме обврзници во текот на целиот рок на доспевање и сметаме дека можеме да направиме квантитативно затегнување така што само ќе ги укинеме постоечките обврзници со помалку од целосно реинвестирање, што е природно полесен процес“, објаснува Нот.
Претставниците на ЕЦБ се согласуваат дека не треба да почнат да го намалуваат билансот на состојба додека не достигнат ниво на стапка која ќе се смета за неутрална - ниту стимулирачка, ниту ограничувачка за економијата. Тие веројатно би можеле да го направат тоа веќе во декември.
„Очигледно се поставува прашањето како да се смени она што сега е запрено во однос на нето-откупот на средства: во кој хоризонт, со кое темпо“, рече во средата претседателката на ЕЦБ, Кристин Лагард. „Ова е дискусија што ја започнавме и ќе продолжиме“, нагласи таа.
Добро време да се започне со намалување на билансот е март 2023 година, според Дејвид Пауел од Bloomberg Economics, кој предвидува просечно намалување од 29 милијарди евра месечно, или нешто помалку од 1 отсто од обемот на комбинираното портфолио на квантитативно олеснување и итни набавки на обврзници во случај на пандемија.
„Со таа стапка, би биле потребни девет до 10 години за да се испразнат сите хартии од вредност кои се држат“, напиша тој во извештај објавен во петокот. „ЕЦБ може да спроведе активна продажба на обврзници за да го забрза намалувањето на билансот на состојба. Ова ќе зависи од пазарните услови и изгледите за инфлација - очекуваме Управниот совет да продолжи внимателно“, посочува Пауел.
