text size
Крајот на топлотниот бран сѐ уште не се гледа, но затоа стана видливо дното на најголемите европски реки. Европа почна да ја плаќа цената за климатските промени. Рајна, важната транспортна рута, е на најниско ниво од 1880 година, а нискиот водостој на Дунав е голем ризик за снабдувањето со струја.
Останува нејасно каде грешиме - фасадите се обновени, климите работат, а и натаму ни е жешко. Затоа анализиравме што уште треба да направиме во битката со климатските промени. Експертите велат дека таа битка е скапа, но секое вложено евро во мерки за адаптација ќе врати до 10 евра. Проверивме и како Париз се лади со помош на Сена и дали тој модел може да се користи во другите градови крај големи реки.
Климатските промени веќе се вградени и во цените на храната. Долготрајните суши и честите невремиња ги намалуваат приносите, а тоа значи дека храната никогаш повеќе нема да биде евтина. И индексот на ФАО го потврдува трендот – во јули цените на основните прехранбени производи достигнаа највисоко ниво во последните три години.
Цените на храната во земјава на годишно ниво во јули се зголемиле за 1,1 отсто, а годишната инфлација, според ДЗС, изнесувала 2,3 отсто. Кај горивата трендот е поинаков. Дизелот речиси стигна до три цифри.
Прочитајте повеќе:
Македонија го губи производството на кравјо млеко, доаѓаат уште потешки времиња за сточарите
Расте производството, паѓаат потрошувачката и цените на свинското месо
Дополнителна причина за растот на цените се тензиите на Блискиот Исток, но американскиот претседател Доналд Трамп е оптимист. Тој вели дека преговорите напредуваат и покрај тоа што Иран побара забрана за американските бродови низ Ормускиот Теснец.
САД неделава го поддржа јапонскиот јен за првпат по 30 години. Сега дебатите се различни, некои од аналитичарите сметаат дека иако интервенцијата беше спроведена преку еврото и беше дизајнирана да избегне нарушување на пазарот на финансии, таа сè уште ризикува да изврши притисок врз доларот. Од „Голдман Сакс“, пак, сметаат дека поддршката за јенот не е закана за доминацијата на доларот. Во исто време, валутите на земјите во развој стигнаа блиску до рекордно високо ниво.
Довербата во вештачката интелигенција опаѓа како што се откриваат деталите за случаите на хакирање. Но и покрај тоа, светот продолжува да гради ВИ-економија. Анализиравме до каде е Македонија на овој план.
Добри вести неделава стигаа од Германија. Индустриско производство расте поттикнато од автомобилската индустрија, а во јуни и нарачките пораснале над очекувањата на економистите.
.webp){kind=icon}
