Довербата на потрошувачите во еврозоната останува блиску до рекордно ниското ниво и во октомрви, нагласувајќи го постојаниот ризик од рецесија во текот на зимава, додека домаќинствата се борат со растечката инфлација и акутната криза со трошоците на живот.
Индексот на Европската комисија за довербата на потрошувачите порасна на -27,6 од -28,8, покажуваат прелиминарните податоци. Економистите кои ги анкетираше Блумберг предвидуваат пад на -30 бодови.
Движење на индексот на доверба на потрошувачите во еврозоната / Bloomberg Mercury
Мрачните изгледи за еврозоната ги принудуваат владите да преземат вонредни мерки за заштита на компаниите и домаќинствата. Многу нации веќе потрошија десетици милијарди евра за помош, а европските челници вчера се договорија дека ќе работат на ограничување на цената на природниот гас за целиот блок.
Во меѓувреме се очекува Европската централна банка (ЕЦБ) да го прифати и надмине ризикот од рецесија и да продолжи да ги зголемува каматните стапки со големи чекори, со цел да се избори против инфлацијата. Според анкетата на Блумберг спроведена меѓу економистите, тоа би вклучило второ по ред зголемување на каматите за 75 базични бодови на состанокот што ќе се одржи следниот четврток, како и уште еден сличен чекор со зголемување на каматните стапки од половина процент во декември.
.webp){kind=icon}
