.webp){kind=icon}
За производителите на автомобили во Велика Британија ова е една од најлошите продажни години во последните четири децении, бидејќи проблемите со синџирот на снабдување го спречуваат производството, а кризата со растечката инфлација го одложува купувањето.
Трговската групација Society of Motor Manufacturers and Traders (СММТ) ја намали прогнозата за регистрации на нови автомобили по трет пат во седум месеци на 1,57 милиони, што е најниско ниво од 1982 година.
Производителите на автомобили кои се борат со недостигот на делови сега се соочуваат со сè поголеми пречки, вклучувајќи зголемени трошоци за енергија и задолжување. Банката на Англија во четвртокот го протурка своето најголемо зголемување на каматните стапки во последните 33 години и предупреди на „многу предизвикувачки“ изгледи за економијата на Обединетото Кралство. Прогнозите на централната банка сугерираат дека бруто домашниот производ ќе се намалува осум последователни квартали, до средината на 2024 година.
„Најновите проценки за изгледите за економски раст на Обединетото Кралство се мрачни“, вели Дејвид Легет, аналитичар во лондонската истражувачка компанија Globaldata Plc. Тој смета дека претстојат „многу тешки услови за тргување барем во следните 18 месеци“.
Продажбата на возила на батерии е ретка светла точка. Регистрациите на нови автомобили минатиот месец се зголеми за 26 отсто делумно поради силната побарувачка за хибридни и електрични модели, соопшти СММТ. Сепак, зголемувањето во октомври е во споредба со многу лош месец од една година порано , а испораките од тогаш сè уште се околу една третина под она што компаниите го продаваа пред пандемијата.
„Силниот октомври е добредојден, иако тоа е во споредба со слабата 2021 година, сепак не е доволен за да се надомести штетата предизвикана од пандемијата и од недостигот во снабдувањето“, вели Мајк Хаус, извршен директор на SMMT.
Годината почна со проекција од 1,9 милиони продадени возила, но таа проценка беше намалена прво во мај, а потоа повторно во август. SMMT очекува пазарот да закрепне следната година, на 1,81 милиони регистрации, но за тоа се потребни повеќе јавни полначи и зголемување на продажбата на електрични автомобили.
