.webp){kind=icon}
Главниот економист на Европската централна банка (ЕЦБ), Филип Лејн, посочи дека растот на потрошувачките цени веројатно е блиску до својот зенит, признавајќи дека трошоците за задолжување повторно ќе се зголемат.
„Веројатно е премногу рано да се донесе таква пресуда, бидејќи инфлацијата расте, но сум доста уверен кога велам дека веројатно сме блиску до врвот на инфлацијата“, изјави Лејн за весникот „Милано финанца“ (Milano Finanza) во интервју објавено во вторникот. „Сепак, сè уште е неизвесно дали ова е веќе врвот или тоа ќе биде на почетокот од 2023 година“.
Една и пол недела пред ЕЦБ одново да ги приспособи каматните стапки, официјалните лица навестуваат дека може да го забават тековното темпо на зголемувања. Ирецот Габриел Маклуф во понеделникот рече дека потег од половина поен, по последователните зголемувања од 75 базични поени, е најверојатниот исход. Изјавите за умереност следуваат по првото забавување на инфлацијата во еврозоната по година и пол.
Прочитај повеќе
Сè поверојатно е дека ЕЦБ ќе ги зголеми каматите за 50 бода
Се очекува ЕЦБ да го намали темпото, но не и покачувањето на каматните стапки за да ја скроти инфлацијата.
05.12.2022
Лагард: Инфлацијата мора да ја вратиме на посакуваната цел
Сите со нетрпение го очекуваат последниот состанок на ЕЦБ годинава на 14-15 декември.
02.12.2022
Инфлацијата во еврозоната конечно забавува, прв знак на надеж за ЕЦБ
Инфлацијата во еврозоната забави за првпат по една и пол година, нудејќи трошка надеж за Европската централна банка.
30.11.2022
Инфлацијата го достигнува врвот, но проблемите остануваат
Ова не значи дека најлошото е завршено, вели Том Орлик, главен економист на „Блумберг“.
02.12.2022
„Очекуваме дека ќе бидат потребни повеќе зголемувања на стапките, но многу е веќе направено“, изјавил Лејн, според транскриптот на веб-страницата на ЕЦБ. „Почетната точка сега е поинаква. Веќе ги зголемивме стапките за 200 базични поени“, посочува тој. „Треба да го разгледаме обемот на она што веќе го направивме“.
Што се однесува до потрошувачките цени, главниот економист на ЕЦБ вели дека не може „да ја исклучи можноста за дополнителна инфлација на почетокот од следната година. „Штом ќе ги поминеме првите месеци од 2023 година, понатаму во годината, напролет или налето, би требало да видиме значителен пад на стапката на инфлација. Покрај тоа, падот на инфлацијата од сегашните многу високи нивоа назад кон два процента ќе потрае“.
Bloomberg
Запрашан дали стапката на инфлација би можела да падне на шест-седум проценти во 2023 година, Лејн вели дека „почетното намалување од сегашните високи стапки ќе биде околу тоа ниво“, а потоа следуваат дополнителни намалувања.
Сепак, „мислиме дека ќе има уште еден круг на инфлација“, нагласи тој, наведувајќи ги повисоките зголемувања на платите во следните три години. „Затоа ќе биде потребно извесно време да се вратиме на нашата цел од два процента. Значи, ефектите од вториот круг ќе ја стимулираат инфлацијата следната година и во 2024-та“.
