.webp){kind=icon}
Зимскиот студ конечно ја зафати Европа.
Арктички бран во петокот ги разбуди граѓаните на Стокхолм со снег, а лизгачите излегоа да уживаат на огромното лизгалиште во историскиот градски парк Кунгстрадгарден. Студениот бран што го зафати континентот ќе продолжи и следната недела - со температури под нулата во Германија и снег во делови од Обединетото Кралство.
Студеното време од една страна помага за засилување на празничниот дух, но, истовремено ќе го зголеми притисокот врз снабдувањето со енергија што е од клучно значење за Европа да ја преживее зимата без прекини на струја.
Благата есен ја ограничи употребата на гас и помогна да се пополнат складиштата, намалувајќи ја загриженоста за можниот недостиг поради прекинот на испораката од Русија. Но, сега почнуваат предизвиците. Поголемата побарувачка за греење и недоволното снабдување од ветерниците во Обединетото Кралство Германија и нордиските земји ќе ги тестираат мрежите исто како што тоа го прават франсуцките и шведските нуклеарки.
И иако владата во Германија, најголемата европска економија, очекува да има доволно енергија за време на постудените месеци, државниот регулатор на мрежата BNetzA во петокот ги повика домаќинствата и деловните субјекти да го намалат греењето за да заштедат гориво.
Bloomberg
„Многу е веројатно дека ќе има зголемување на побарувачката за греење за да се справиме со постудените услови кои веројатно ќе опстојат во поголемиот дел од месецот“, рече Александра Шеред, соработник метеоролог во The Weather Co.
Блокирачката купола на висок притисок над Гренланд предизвикува бранови со низок притисок да се движат кон исток во близина и над нордиските земји, изјави метеорологот од Марекс, Александре Фиеро. Иако околу Медитеранот ќе биде потопло, северна Европа студот ќе го чувствува до следната недела.
Во понеделник живата ќе се спушти до -9 Целзиусови степени на самиот север на Скандинавија, соопшти шведскиот државен синоптичар. Другите синоптичари гледаат најголема шанса за снег на краток рок во северна и источна Шкотска, при што Метеоролошката канцеларија на Обединетото Кралство издаде предупредување за снег и мраз во југоисточна Англија и Лондон од недела.
„Сè укажува на тоа дека студеното време ќе трае најмалку во следните 10 дена“, изјави Матијас Линд, метеоролог во шведската државна агенција за прогноза. „Во следните неколку дена може да има многу снег“.
Загрижувачки е тоа што лошите услови следат по влошувањето на криза со електрична енергија во Шведска, при што исклучувањето на најголемиот нуклеарен реактор во земјата го зголемува реалниот ризик од прекини. Ова значи дека нацијата ќе мора да се потпре на увозот на електрична енергија од Норвешка, Германија и Полска за да се осигура дека има доволно енергија.
Bloomberg
Во Германија граѓаните беа пофалени за заштеда на гориво додека температурите се уште беа ниски во ноември. И со оглед на тоа што побарувачката за греење сега расте, а температурите достигнуваат околу -7 степени Целзиусови во места како Берлин и Хамбург, домаќинствата ќе бидат во искушение да го засилат термостатот.
„Мораме да имаме на ум дека зимата може да се продолжи“, рече Клаус Мулер, претседател на германскиот регулатор на мрежата, во интервју за јавниот радиодифузен сервис АРД.
Постојат и други временски закани за европскиот енергетски систем. Енергијата од ветер во Обединетото Кралство ќе достигне најниско ниво во текот на викендот, пред да се зголеми во понеделник - нешто што предизвика краткорочен пораст на цените на електричната енергија.
За некои, зимското време е многу добредојдено.
Овој викенд е важен за зимските одморалишта во западните планини на Шведска, бидејќи сезоната започнува со специјални пробни ски патувања и други настани за привлекување посетители по неколку тешки години поради Ковид пандемијата.
Одморалиштето Стотен и Сален - околу 5 часа северозападно од Стокхолм - ги отвори своите падини за прв пат во четвртокот и забележа пораст на доцните резервации поради студот.
