.webp){kind=icon}
Италијанската инфлација забави, пресликувајќи го трендот од главните европски економии. Тоа поттикнува оптимизам дека најлошиот раст на цените од воведувањето на еврото можеби веќе го достигна врвот.
Инфлацијата се намали на 12,3 проценти во декември на годишно ниво. За потсетување, во ноември изнесуваше 12,6 отсто. Податоците објавени денеска од страна на националниот институт за статистика покажуваат дека храната и струјата бележат најголем раст на цените.
Податоците поттикнуваат надеж дека повеќемесечната инфлација предизвикана од енергетската криза почнува да се повлекува, нешто што може да доведе до тоа Европската централна банка (ЕЦБ) да ги зголеми каматните стапки помалку агресивно, со оглед на фактот дека регионот веројатно веќе е во рецесија. Бројките објавени во последните денови покажаа умерен раст на цените во Германија, Франција и во Шпанија.
Податоците за инфлацијата во еврозоната како целина, кои треба да бидат објавени в петок, исто така се очекува да покажат забавување на едноцифрена стапка на инфлација. Креаторите на политиките на ЕЦБ веќе ги зголемија стапките за 250 базични поени од јули.
Зголемените трошоци за задолжување се проблем за задолжените земји како Италија. Инфлацијата, исто така, се чини дека ќе биде траен проблем откако централната банка ги укина проекциите за раст на потрошувачките цени за следните три години.
