.webp){kind=icon}
Домаќинствата во Велика Британија ја намалија потрошувачката на гас повеќе од очекуваното во декември заради високите цени.
Потрошувачката на гас во станбени објекти и помали имоти била 63,6 терават-часови во декември, или околу 8,8 отсто пониска отколку што инаку би била врз основа на месечната шема на температурата.
Овие податоци се првиот знак за способноста на британските потрошувачи да штедат енергија во своите домови во услови на рекордно високи цени за греење. Владите во Германија и Франција беа поактивни во поттикнувањето на заштедата на енергија отколку во ОК, која само во декември побара намалување на потрошувачката
„Намалувањето на побарувачката што го видовме најверојатно е предизвикано првенствено од потрошувачите кои го менуваат своето однесување како одговор на тековните високи цени на енергијата“, рече Гема Бервик, консултант.
Енергетската ефикасност на потрошувачите во декември ќе и заштеди на владата околу 260 милиони фунти, а на потрошувачите околу 600 милиони фунти во текот на месецот. Ова го покажа финансискиот и еколошкиот потенцијал за инвестирање во намалувањето на побарувачката на гас, рече Бервик.
Британските потрошувачи плаќаат повеќе за струја и гас од кога било досега. Годишната сметка на типично домаќинство ќе биде ограничена на 3.000 фунти (3.615 американски долари) од април, што е зголемување за 500 фунти на сегашната граница и речиси три пати повеќе од нивото пред енергетската криза.
Со исклучок на краткиот студен период минатиот месец, Велика Британија доживеа блага зима, намалувајќи ја потребата за греење и помагајќи да се олесни оптоварувањето на залихите на енергија. Ова ги намали големопродажните цени и добавувачите би можеле да наплаќаат под државната граница од јули доколку падот продолжи.
