.webp){kind=icon}
Економистите во „Голдман Сакс“ (Goldman Sachs) веќе не прогнозираат рецесија во еврозоната, откако економијата се покажа поотпорна кон крајот на 2022 година, цените на природниот гас нагло паднаа и Кина ги укина ограничувањата за ковид-19 порано од очекуваното.
Бруто-домашниот производ се очекува годинава да порасне за 0,6 отсто, во споредба со претходната прогноза за намалување од 0,1 отсто. Економистите предводени од Јариј Штен во извештајот за клиентите предупредуваат за слаб раст во текот на зимата, со оглед на енергетската криза, и посочуваат дека главната инфлација ќе се намали побрзо отколку што се мислеше, на околу 3,25 отсто до крајот на 2023-та.
„Голдман“ сега смета дека еврозоната ќе избегне рецесија | Бруто-домашниот производ (квартал по квартал), старата прогноза е означена со сина боја, новите очекувања со црвена боја. Извор: „Голдман Сакс“
„Очекуваме и забавување на базичната инфлација поради заладувањето на цените на суровините, но гледаме континуиран притисок врз инфлацијата на услугите поради зголемените трошоци за работа“, објаснуваат тие. „Со оглед на поотпорната активност, стабилната базична инфлација и јастребовските коментари, очекуваме Европската централна банка значително да ја заостри политиката во наредните месеци“.
„Голдман“ го повтори својот став за зголемување на каматните стапки за половина поен на состаноците на ЕЦБ во февруари и март, проследено со финален потег од четврт поен во мај за подигање на депозитната стапка на 3,25 отсто.
