ЕЦБ се приближува кон крајот во затегнувањето на монетарната политика

Европската централна банка (ЕЦБ) можеби влезе во крајот на историскиот циклус на зголемувања на каматните стапки, изјави членот на Управниот сoвет, Јоаким Нагел.

Иако зголемувањето на трошоците за задолжување не е завршено и базичната инфлација сè уште треба да се ограничи, шефот на Бундесбанката во средата изјави дека е многу задоволен од монетарната политика што ја спроведува ЕЦБ.

„Се приближуваме до крајот во смисла дека достигнуваме зона на монетарната политика што се смета за рестриктивна“, изјави тој за радиото „Дојчландфанк“ (Deutschlandfunk), додавајќи: „Убеден сум дека монетарната политика го покажува својот ефект“.

Коментарите на Нагел се совпаѓаат со мислењето на повеќето економисти, кои се убедени дека ЕЦБ ќе ја зголеми каматната стапка на депозитите уште двапати во јуни и јули, поставувајќи ја на врв од 3,75 отсто. Американската централна банка (ФЕД) веќе презеде конкретни чекори за паузирање на натамошните зголемувања на каматните стапки, иако, за волја на вистината, тие започнаа порано од ЕЦБ.

Гувернерот на грчката централна банка Јанис Стурнарас во средата рече дека зголемувањето на каматните стапки на ЕЦБ ќе заврши во 2023 година, а гувернерот на летонската централна банка Мартинс Казакс предупреди дека зголемувањето може да продолжи и по јули.

Нагел ја опиша минатонеделната одлука за забавување на темпото на затегнување на каматните стапки и запирање на реинвестирањето во рамките на програмата за купување средства како правилен потег, иако тој истакна дека работата не е завршена. „Не завршивме со зголемувањето на каматите, има уште работа. Мора да останеме тврдоглави“, заклучи Нагел.

Во моментов нема коментари за веста. Биди прв да коментира...

Остави коментар