Очекувањата на потрошувачите во врска со инфлацијата во еврозоната се значително намалени во април, што дополнително го поддржува крајот на историското зголемување на стапките од страна на Европската централна банка (ЕЦБ) во текот на летото.
Очекувањата за следните 12 месеци паднаа на 4,1 отсто од пет отсто во март, објави ЕЦБ во своето месечно истражување во вторникот. Гледајќи три години напред, тие паѓаат на 2,5 проценти од 2,9 проценти - движејќи се кон среднорочната цел од два отсто.
Неодамнешните резултати од истражувањето ја покажуваат нестабилната природа на повлекувањето на инфлацијата, која минатата година достигна рекорд од воведувањето на еврото. Истражувањето во март откри „значително“ зголемување во очекувањата за цените.
Oчекувања за инфлацијата
Bloomberg
Оттогаш, индикаторите се покажаа охрабрувачки. Самата инфлација забави на 6,1 отсто во мај, а основната мерка што ги исклучува нестабилните елементи како енергијата ослабе повеќе од очекуваното на 5,3 отсто. Истражувањето на Европската комисија за очекувањата за инфлација за следната година падна на најниско ниво од 2020 година.
ЕЦБ е на потег
Со оглед на тоа што ЕЦБ се очекува да ги зголеми каматните стапки следната недела, анкетата ќе влијае на дебатата за тоа колку долго треба да растат трошоците за задолжување за инфлацијата да се врати на посакуваната цел. Членот на Управниот совет, хрватскиот гувернер, Борис Вујчиќ, за „Блумберг“ неделава изјави дека ценовните ризици сè уште се насочени кон раст.
Прочитајте повеќе: Вујчиќ: Ризиците од инфлација се сè уште склони кон раст
Инвеститорите и повеќето економисти очекуваат уште две зголемувања на депозитната стапка за четвртина процентен поен, до максимални 3,75 отсто.
Претседателката на ЕЦБ, Кристин Лагард, во понеделникот повтори дека стапките ќе продолжат да растат за да ја вратат контролата врз цените, велејќи дека нема „јасен доказ“ дека базичната инфлација го достигнала врвот.
Клас Нот - кој ја предводи холандската централна банка и е еден од членовите на Управниот совет на ЕЦБ кои се сколони кон порестриктивни политки - претходно во вторникот предупреди дека еврозоната сега доживува втор круг ефекти од повисоките трошоци за енергија, што значи дека ќе биде потешко да се намалат потрошувачките цени.
Во своето истражување, ЕЦБ наведува:
- Намалена е неизвесноста околу очекувањата за инфлацијата 12 месеци однапред
- Номиналниот приход се очекува да порасне за 1,1 отсто во следните 12 месеци, што е намалување од 1,3 отсто
- Очекувањата за економското производство за следните 12 месеци се подобрија на -0,8 отсто од -1 отсто
- Стапката на невработеност е 11,2 отсто во 12 месеци, што е намалување од 11,7 отсто.
.webp){kind=icon}
