.webp){kind=icon}
Германија и корпорацијата „Интел“ потпишаа договор со кој американската компанија треба да добие субвенции во вредност од 10 милијарди евра (10,9 милијарди долари) за фабрика за производство на полупроводници во источниот дел на земјата. Информацијата ја споделија извори што се запознаени со договорот.
Канцеларот Олаф Шолц и главниот извршен директор на „Интел“, Пат Гелсинџер, ќе го потпишат договорот на церемонија во Берлин в понеделник, велат изворите, кои побарале да бидат анонимни пред официјалното соопштение.
„Интел“ првично се согласи да го изгради објектот во градот Магдебург, со владина помош од 6,8 милијарди евра, но го одложи почетокот на изградбата на фабриката поради превирања.
