.webp){kind=icon}
Туристите од Велика Британија летуваат во Турција и Египет за да ги искористат поволните девизни курсеви, покажуваат податоците на туристичката компанија „Он д бич“ (On The Beach).
Бројот на резервации што ги добиле за летно патување до овие дестинации е повеќе од двојно поголем од нивото од 2019 година, пред пандемијата на коронавирус.
Ова делумно се припишува на падот на вредноста на турската лира и египетската фунта во однос на фунтата во тој период.
Бројот на лири што може да се купат за британската фунта се зголеми за четири пати од околу осум во 2019 година на 34 моментално.
Туристите кои го посетуваат Египет добиваат околу двојно повеќе од локалната валута за фунтата отколку што добиваа пред кризата со вирусот.
Oд туристичката компанија уште велат дека порастот на капацитетот на летови, исто така, ја поттикнал побарувачката за одмор во Турција.
Според туроператорот, оваа година има дополнителни 1,2 милиони седишта на летовите од Велика Британија до Турција во споредба со 2019 година.
Годишниот капацитет на летови е очекува да се зголеми за дополнителни 1,6 милиони седишта до 2025 година, достигнувајќи вкупно пет милиони.
Аеродромот „Хитроу“ во петокот објави дека јули бил најфреквентниот месец за полетувања кон Турција, со повеќе од 73.000 луѓе кои летаат во земјата.
Авиокомпанијата „Џет2.ком“ неодамна откри дека нејзиниот распоред на летови до Турција е три пати поголем отколку во 2018 година.
Анталија, позната по сините води и прекрасното крајбрежје, е најпопуларната турска дестинација меѓу корисниците на услугите на компанијата „Он д бич“, додека Хургада на брегот на Црвеното Море е водечка дестинација за резервации во Египет.
Турција беше третата најрезервирана дестинација за летен одмор на компанијата.
Првото место го зазедоа Канарските Острови, а по нив е континентална Шпанија.
Главниот директор за клиенти на туроператорот, Зои Харис, рече: „Најдобра дестинација за туристите оваа сезона за одмор се Канарите, а веднаш по нив е Шпанија“.
„Шпанија имаше мал пад на резервациите минатата година, но оваа година се врати со забележителен пораст на резервациите во споредба со 2019 година“.
„Дестинации на кои треба да се внимава се Турција и Египет. „Со голема брзина растат“.
„Очекуваме овие две дестинации да продолжат да растат и да се обидат да ги заменат Канарите на првото место следната година“.
