.webp){kind=icon}
Европските влади, банки и бизниси минатата година собраа рекордни 311 милијарди евра финансии наменети за зелени цели, што е речиси двојно повеќе од износот постигнат во 2020 година, но тоа сè уште не е ни доволно блиску да ја исполни целта нула нето емисии на стакленички гасови до средината на векот, според извештајот на „Њу фајненшл“ (New Financial).
„Загрижувачки е затоа што е доста голема бројка и тоа е бројка што треба да се повторува секоја година во следните 20-30 години“, вели во интервју Вилијам Рајт, управен директор на тинк-тенк со седиште во Велика Британија кој стои зад извештајот. „Не треба да бидеме огорчени поради тоа“, нагласува тој.
Европа е сè уште далеку пред другите региони, а износот што го посвети на зелените финансии во 2021 година претставува околу 12 отсто од нејзината вкупна активност на пазарот на капитал, според New Financial. Но, за да ја оствари климатската неутралност до 2050 година, Европа ќе треба да троши дури 1 трилион евра секоја година, проценува Комисијата на ЕУ.
Зелените финансии се однесуваат на пари собрани за еколошки и одржливи активности. Но, постојат различни нијанси. Само околу 40 отсто од зелените обврзници во Европа се темно зелени, што значи дека финансираат проекти кои играат значајна улога во транзицијата кон нулта емисии, се вели во извештајот New Financial. Кога станува збор за заеми поврзани со одржливост, само 40 отсто може да се дефинираат како зелени, врз основа на анализа на проектите што тие ги финансираат.
Bloomberg
Извештајот, исто така, ја идентификува Британија како земја која заостанува во зелените финансии во споредба со остатокот од Европа, и проценува дека нацијата во просек заостанува околу четири години зад регионот.
Британија удира под својата тежина, се заклучува во извештајот. „Ова, исто така, нагласува дека зелените финансии се една од ретките области во банкарството и финансиите каде што ЕУ е јасен глобален лидер, со повеќе од 40 отсто од целата глобална активност во одржливи финансии и ESG“, се додава во него.
Неколку други итересни наоди од извештајот...
- Повеќе од 95 отсто од зелените финансии во Европа доаѓаат од пазарите на обврзници и заеми. Во 2021 година, речиси 200 милијарди евра биле собрани преку означени зелени обврзници, додека компаниите собрале дополнителни 100 милијарди евра на пазарот на заеми.
- Акциите сочинуваат само 4 отсто од европскиот пазар за зелени финансии во 2021 година, бидејќи на компаниите им е полесно да ги користат пазарите на долгови кога финансираат големи проекти.
- Околу 22 отсто од зелените финансиски активности во Европа се поврзани со компании чија основна дејност е да помагаат во справувањето со климатските промени, како што се производителите на соларни панели.
- Спротивно на тоа, 27 отсо се собрани од компании кои придонесуваат за емисиите, како што се производителите на нафта. Остатокот е поврзан со компании кои се сметаат за климатски неутрални.
