.webp){kind=icon}
Министрите за финансии на Европската Унија поддржуваат Кристалина Георгиева да добие втор мандат на чело на Меѓународниот монетарен фонд (ММФ), изјави белгискиот министер за финансии Винсент ван Петегем.
Георгиева добила едногласна поддршка од земјите-членки на ЕУ, им соопшти тој на новинарите во вторникот во Брисел.
„Минатиот петок Кристалина Георгиева ја изрази својата подготвеност да служи и втор мандат на чело на ММФ доколку има доволно поддршка меѓу членството“, рече тој. „Денеска многу сум среќен што можам да објавам дека сите европски земји-членки всушност ја изразија таа поддршка“.
Прочитај повеќе
ММФ: Растот во САД и државните стимулации во Кина ќе го забрзаат и глобалниот раст
Глобалната економија ќе порасне за 3,1 отсто оваа година
30.01.2024
ММФ ги посочи среднорочните ризици за Македонија
Целта на ПЛЛ, одобрен во ноември 2022 година е да се обезбеди финансирање во предизвикувачки период на финансиските пазари
20.01.2024
ММФ: Вештачката интелигенција ќе влијае на 40 отсто од работните места
Постои потенцијал за вештачката интелигенција целосно да замени некои работни места.
15.01.2024
ММФ: Централните банки не треба да брзаат по примерот на Фед
„Централните банки низ светот не треба да брзаат да ја олабават борбата против инфлацијата“, изјави шефицата на Меѓународниот монетарен фонд.
15.12.2023
Македонија доби пристап до нови 200 милиони евра од ММФ
Завршен скринингот на економските и монетарните политики во земјата согласно ПЛЛ програмата
14.11.2023
ММФ: Европа пред меко приземјување, високите камати сè уште се неопходни
Економијата на Европа веројатно нема да колабира додека зголемувањето на каматните стапки ја намалува инфлацијата, велат од ММФ.
08.11.2023
Сегашниот петгодишен мандат на Георгиева завршува во септември. Денешната одлука веќе изгледаше веројатна откако шефовите за финансии на двете најголеми економии во блокот - Германија и Франција - ја дадоа својата поддршка за 70-годишната бугарска економистка.
„Мислам дека Кристалина покажа силно лидерство во последните неколку години, особено за време на кризи без преседан, и дека исто така им даде поддршка на сите членки“, рече Ван Петегем.
Претседателот на Еврогрупата, Паскал Доноху, кој се смета за потенцијален ривал за главната функција во ММФ, по состанокот на министрите за финансии од еврозоната во понеделникот рече дека Георгиева ја водеше институцијата низ пандемијата на ковид и војната во Украина на „неверојатно инклузивен начин“.
Генералниот директор на ММФ формално го именува извршниот одбор на институцијата, кој се состои од 24 лица избрани од нејзините земји-членки. Вообичаено е Европејците да го изберат шефот на ММФ, додека САД можат да одлучуваат за тоа кој ќе ја води Светската банка. Двете институции се со седиште во Вашингтон.
