Годишната инфлација во еврозоната на исто ниво како и во јули

Годишната инфлација во еврозоната овој месец остана на истото ниво како во јули на 5,3 отсто, објави во четвртокот Еуростат прелиминарната проценка. Во јуни годишната инфлација беше 5,5 отсто. Конечните податоци за август ќе бидат објавени во средината на септември.

Словачка имала највисок годишен раст на цените во еврозоната во август од 9,6 отсто, а веднаш по неа е Хрватска со 8,5 отсто додека Белгија и Шпанија имаат најниска годишна инфлација од 2,4 отсто.На месечна основа, проценетиот раст на цените во еврозоната во август изнесуваше 0,6 отсто. Белгија има највисока месечна стапка на инфлација од 2,5 отсто.

Bloomberg Mercury

Ако се погледнат главните компоненти на годишната инфлација во еврозоната за август, највисоката стапка на раст на цените на храната, алкохолот и тутунот е 9,8 отсто наспроти 10,8 отсто во јули. Следат услугите со 5,5 отсто (5,6 отсто во јули), индустриските производи без енергија со 4,8 отсто (5,0 отсто во јули) и енергијата со пад на цената од 3,3 отсто во однос на годишниот пад од 6,1 отсто претходниот месец.

Bloomberg

Основниот мерач на цени е најзначајниот за официјалните лица на ЕЦБ кои се подготвуваат да проценат за две недели дали слабеењето на растот на инфлацијата во блокот од 20 нации е доволен за ќе ги намали ценовните притисоци и на крајот ќе донесе инфлација од два отсто. Ако не, тие може да се зголемат 10-ти последователен пат, со што депозитната стапка ќе се зголеми на  рекордни 4 отсто.

Што вели Блумберг економист...

„Бројките од август се последните што Европската централна банка ќе ги види пред следниот состанок на 14 септември. Сметаме дека овие податоците го задржуваат случајот за зголемување на каматнит стапки.“- Маева Кузин, виш економист во еврозоната.

Во моментов нема коментари за веста. Биди прв да коментира...

Остави коментар