.webp){kind=icon}
Продажбата на автомобили во Европа го задржа двоцифрениот раст во септември и покрај повисоките каматни стапки што ги зголемија трошоците за купување автомобил.
Регистрациите на нови автомобили се зголемија за 11 отсто, на 1,2 милиони единици, објави во петокот Европската асоцијација на производители на автомобили, при што заостанатите нарачки им помагаат на производителите да го надминат притисокот од повисоките финансиски трошоци за клиентите. Продажбата на електрични возила исто така се зголеми и сега сочинува 16 отсто од вкупните испораки.
Bloomberg Mercury
Европскиот пазар на автомобили сè уште се храни со растечка побарувачка, што помага да се неутрализираат економските спротивставени ветрови и високата инфлација што ги оптоварува потрошувачките буџети. „Блумберг интелиџенс“ овој месец ја зголеми својата прогноза за продажба на нови автомобили во регионот на 14 отсто за оваа година, од 9 проценти, но рече дека олеснувањето на проблемите со синџирот на снабдување ќе доведе до тоа производството на автомобили да ја надмине побарувачката во текот на четвртиот квартал.
„Рено СА“ (Renault SA) оваа недела соопшти дека неговите нарачки во Европа останале стабилни, но дека има знаци на воздржаност на потрошувачите. Нарачките за возила на „Фолксваген АГ“ (Volkswagen AG) за третиот квартал не ги исполнија целите, особено во Европа, принудувајќи ја компанијата привремено да отпушта работници и да ги намали смените во германските фабрики во последниве недели.
Bloomberg Mercury
Годинешните силни добивки се резултат на ниската основа, а побарувачката за патнички автомобили сè уште останува приближно една петтина под нивото пред пандемијата, наспроти затемнетите изгледи. Германија, најголемата европска економија, не порасна повеќе од една година и се чини дека е подготвена за двојна рецесија. Покрај тоа, заканата од поширока војна на Блискиот Исток има потенцијал да ја наруши глобалната економија доколку повеќе земји бидат вовлечени во конфликтот Израел - Хамас.
Продажбата на автомобили на батерии се зголеми за 13 отсто, на нешто повеќе од 187.000. Добивките во Франција помогнаа да се компензира падот од 29 отсто во Германија, каде што завршија стимулациите за деловните купувачи.
