.webp){kind=icon}
Италија излезе од непосредна опасност нејзиниот кредитен рејтинг да се сведе на ѓубре (анг. junk), откако агенцијата „Мудис“ (Moody's) во петокот ја подобри прогнозата за земјата од негативна на стабилна.
Нивото остана исто на Baa3, што е најниска оценка на инвестициско ниво, но по 15 месеци е променет негативниот изглед, кој беше доделен непосредно пред Џорџа Мелони да стане премиерка.
„Одлуката ја одразува стабилизацијата на изгледите за економската моќ на Италија, доброто здравје на банкарскиот сектор и должничката политика на владата. Среднорочните економски изгледи остануваат поддржани од националниот план за закрепнување и отпорност, а ризиците за снабдување со енергија се намалени “, псочија од „Мудис“.
Прочитај повеќе
Италија е на работ да биде прогласена за инвестициско ѓубре
Кредитната агенција Мудис (Moody's) се стави во непријатна позиција со тоа што ја смести Италија на работ од тоа да ја прогласи за ѓубре (junk).
15.11.2023
Италијанската економија ја избегнува рецесијата
Банката на Италија смета дека БДП во 2023 година е зголемено за само 0,7 отсто.
31.10.2023
Италија ќе гради прифатни центри за мигранти во Албанија
Договорот е дел од поширокиот план на Мелони за справување со напливот на пристигнувања на италијанските брегови.
07.11.2023
Оваа одлука е победа за Мелони, која во септември претстави полабава фискална политика за исполнување на ветувањата пред гласачите. Тогаш нејзиниот буџет го зголеми распонот меѓу италијанските и германските обврзници на 210 базични поени, додека сега е 177 поени.
„Ова потврдува дека, и покрај многуте тешкотии, правиме добро за иднината на Италија“, рече министерот за финансии, Џанкарло Џорџети, во однос на одлуката на „Мудис“.
Според агенцијата, буџетскиот дефицит следната година ќе изнесува 4,4 отсто од бруто домашниот производ (БДП), а јавниот долг треба малку да падне годинава на 140,3 отсто од БДП од 141,7 отсто во 2022 година.
Кредитен рејтинг на Италија
Bloomberg Mercury
Другите две големи рејтинг агенции, „Фич“ (Fitch) и S&P, ја одржуваат Италија едно ниво погоре со стабилна перспектива.
На Мелони сега добива време да работи на економските проблеми, а прогнозите до крајот на 2025 година велат дека не треба да има економски пад и дека Италија треба да има корист од европските пари за закрепнување.
Останува проблемот што буџетскиот дефицит ќе остане над три проценти од БДП во следните две години. Европската комисија прогнозира дефицит од 4,3 отсто во 2025 година, значително повеќе од италијанската влада, која смета дека дефицитот паѓа на 3,6 отсто.
„Мудис“ забележа дека јавните финансии остануваат причина за загриженост.
