Францускиот претседател Емануел Макрон ја презеде одговорноста за туркањето на реформите во 2023 година, кои понекогаш беа непопуларни и најави дека ќе поттикне економско „ревооружување“ во обид да ја исполни целта за целосно вработување до 2027 година.
„Изминативе месеци беа далеку од залудни како што некои предвидуваа и тоа е добро“, рече Макрон во своето традиционално национално обраќање на новогодишната ноќ, наведувајќи ги и законот со кој се зголеми старосната граница за пензионирање и нацрт-законот за имиграција усвоен овој месец.
Во 13-минутниот телевизиски говор, тој исто така рече дека неговата Влада ќе започне големи програми во нуклеарната енергија, вештачката интелигенција и транспортот во 2024 година.
„Ќе бидеме одлучни во засилувањето на нашето индустриско, технолошко и научно ревооружување“, рече Макрон. „Треба да направиме сè што можеме за да ја исполниме нашата цел за целосно вработување: да продолжиме со иновации, но и да привлекуваме компании и да создаваме повеќе во Франција“, рече тој.
Додека Макрон влегува во 2024 година со олеснување од брзото ублажување на инфлацијата, бавниот раст може да ги поткопа неговите напори да создаде работни места и да ги поправи јавните финансии.
Со повеќе од три години од неговиот мандат, францускиот лидер се соочува со сè поголеми политички предизвици. Предлог-законот за имиграција, кој беше усвоен благодарение на гласовите на конзервативците, ги продлабочи фрактурите во неговата партија и нејзините сојузници во Националното собрание, што поттикна многу аналитичари да кажат дека очекуваат реконструкција на кабинетот во наредните месеци.
Макрон ги спомна и европските избори закажани во јуни, велејќи дека тие претставуваат одлучувачки избор помеѓу „одржување на Европа или блокирање“.
Анкетите покажуваат дека партијата на лидерката на екстремната десница Марин Ле Пен води во кај гласачите во Франција за тие избори.
.webp){kind=icon}
