Викендот не ја донесе долгоочекуваната објава за мировен договор меѓу САД и Иран, иако американскиот државен секретар Марко Рубио претходно најави дека „во наредните часови“ би можеле да пристигнат добри вести за Ормускиот теснец. Наместо напредок, Вашингтон и Техеран продолжија со преговорите околу клучните точки од евентуалниот договор, меѓу кои се повторното отворање на Ормускиот теснец, санкциите и иранската нуклеарна програма.
Американскиот претседател Доналд Трамп порача дека САД нема да „брзаат“ со договорот и дека е потребно време за „работите да се завршат како што треба“.
Токму неизвесноста околу Иран и цената на нафтата повторно ги турка инвеститорите во нервозна зона, но истовремено, Волстрит говори за нови рекорди, еуфорија и масовен влез на мали инвеститори во акции.
Но, зад таа еуфорија, според аналитичарите, „паметниот капитал“ веќе почнува тивко да се повлекува од пазарот.
Добро утро, ви пишува Анита С. Буховски од дигиталната редакција на „Блумберг Адрија“. Во продолжение се петте вести што ги издвоиме за почеток на денот.
Предупредување за инвеститорите - Нафтата цели кон 150 долари, а акциите се во опасна замка
Во услови на растечка пазарна волатилност, геополитички тензии и промени на врвот на американската централна банка — Фед, малите инвеститори се соочуваат со бројни предизвици и замки. Додека берзанските индекси како S&P 500 достигнуваат нови рекорди, а еуфоријата околу акции како „Енвидија“ не стивнува, се поставува прашањето дали таквиот раст е одржлив.
За тоа како да се снајдат во овие неизвесни времиња, кои се најголемите заблуди на малите инвеститори и што техничките показатели зборуваат за идните цени на нафтата, разговаравме со Зденко Грѓан, трговец на девизни пазари во „АБЦД трејдинг“ (ABCD trading).
Преглед на пазарите: Силен финиш на три акции, биткоинот губи вредност
И покрај неизвесноста, берзанските пазари го продолжија растот, додека цените на нафтата се движеа околу психолошката граница од 100 долари за барел.
Американските берзански индекси неделата ја завршија во зелено: индексот S&P 500 порасна за 0,88 отсто, индустрискиот индекс Dow Jones за 2,13 отсто, технолошкиот Nasdaq Composite за 0,45 отсто, а индексот на помалите компании Russell 2000 за 2,7 отсто. Меѓу акциите овојпат ги издвојуваме производителите на компјутери. Кинеската мултинационална компанија „Леново“ (Lenovo), која произведува персонални компјутери и електроника, во петокот објави квартални резултати што ги надминаа очекувањата. Особено се издвојуваат приходите поврзани со вештачката интелигенција, кои речиси се удвоија и сега сочинуваат една третина од приходите на групацијата. Акцијата само во петокот доби речиси 20 отсто.
Трамп направил 3.711 трансакции што отворија сомнежи за повеќе берзански стратегии
Најновата финансиска пријава на американскиоѕ претседател Доналд Трамп предизвика внимание поради огромниот обем — 3.711 трансакции, речиси целосно во акции на американски компании, вклучително и многу чии резултати може да зависат од федералните политики.
Во целина, тие претставуваат невиден бран на берзанска активност од актуелен американски претседател, што предизвика интерес кај малите инвеститори и критики од противниците, кои предупредуваат на можност за инсајдерско тргување.
Заборавете на сувенирите: Туристите сега заминуваат од Македонија со нови вештини
Околу 31 отсто од туристите денес, особено од генерацијата зед, попрво би научиле некоја нова вештина за време на патувањето отколку да купат сувенир, покажа новата анкета на познатата онлајн платформа за патувања „Гет јоар гајд“ (Get your guide).
Од курсеви за готвење во Њујорк до изработка на ножеви во Токио, во извештајот се наведува дека бизнисот со работилници за стекнување вештини доживува бум, а бројот на резервации годинава пораснал дури за 54 отсто.
Резултатите јасно покажуваат дека луѓето ги менуваат навиките што со децении беа дел од секое патување. Водени од лични интереси и автентични искуства, современите туристи сега сѐ помалку патуваат за шопинг, а сѐ повеќе за да научат нешто.
Економијата на Шпанија би била во голем проблем без мигрантите
Владејачките социјалисти во Шпанија предупредуваат дека опозициските партии кои сакаат да ја запрат проимиграциската политика на Мадрид ги загрозуваат клучните столбови на шпанското општество.
Поради драстичниот пад на наталитетот, јавните служби во Шпанија сè повеќе зависат од работата на мигрантите, како и баровите и рестораните што претставуваат столб на општествениот живот во многу градови и места, изјави во интервју Елма Саиз, министерка за миграциски прашања. Доколку актуелниот прилив на работна сила биде запрен, последиците би биле драматични, додаде таа.
„Направивме модел како би изгледала Шпанија во 2075 година доколку миграциските текови се намалат за 30 отсто“, изјави Саиз во интервју дадено во седиштето на Обединетите нации во Њујорк. „Притисокот врз здравствениот систем би растел. Училишта, фарми, многу барови и кафулиња би биле затворени.
.webp){kind=icon}
