Според првата процена за годишниот раст за 2023 година, врз основа на квартално и календарски приспособени податоци, БДП и во еврозоната и во ЕУ порасна за 0,5 отсто, објави во средата „Евростат“.
Во четвртиот квартал од 2023 година, економијата на еврозоната стагнираше, додека економијата на Европската Унија (ЕУ) порасна за незначителни 0,1 отсто во споредба со претходниот квартал, според прелиминарните процени.
Во споредба со истиот квартал од претходната година, сезонски приспособениот БДП порасна за 0,1 отсто во еврозоната и за 0,3 отсто во ЕУ во четвртиот квартал од 2023 година, по стагнацијата во двете области во претходниот квартал.
За споредба, во текот на четвртиот квартал од 2023 година, БДП во САД се зголеми за 0,8 отсто во споредба со претходниот квартал (по +1,2 отсто во третиот квартал од 2023 година). Споредено со истиот квартал од претходната година, БДП порасна за 3,1 отсто (по +2,9 отсто во претходниот квартал).
Раст на вработеноста во еврозоната и во ЕУ
Бројот на вработени лица е зголемен за 0,3 отсто и во еврозоната и во Европската Унија во четвртиот квартал од 2023 година во однос на претходниот квартал, додека во третиот квартал од 2023 година вработеноста е зголемена за 0,2 отсто.
Во однос на истиот квартал од претходната година, вработеноста е зголемена за 1,3 отсто во еврозоната и за 1,2 отсто во ЕУ во четвртиот квартал од 2023 година, по +1,3 отсто во еврозоната и +1,2 отсто во ЕУ во третиот квартал во 2023 година.
Според првата процена за годишниот раст за 2023 година, врз основа на кварталните податоци, вработеноста се зголемила за 1,4 отсто во еврозоната и за 1,3 отсто во ЕУ.
.webp){kind=icon}
