.webp){kind=icon}
Само една петтина од домаќинствата во еврозоната собрале заштеди во пандемијата, што сугерира дека повеќето немаат дополнителен тампон против инфлацијата, покажува анализата на Европската централна банка (ЕЦБ).
Студијата, делумна објава од економскиот билтен на ЕЦБ претставена во понеделникот, се заснова на истражување во шест од најголемите економии во регионот во текот на 2020 и 2021 година. Таа открива дека во тој период, 20 отсто ги зголемиле заштедите, а 16 отсто ги намалиле.
ECB
„Дистрибуцијата на заштедите акумулирани за време на пандемијата Ковид-19 може да го ограничи степенот до кој овие заштеди можат да го заштитат тековното закрепнување на потрошувачката од негативното влијание на неодамнешниот пораст на цените на енергијата“, напишаа економистите Мартен Доше, Димитрис Георгаракос, Александра Колндрекај и Франциско Таварес во статијата за месечниот билтен на ЕЦБ.
Тој заклучок може да има импликации за тековната политика. Претседателката на ЕЦБ, Кристин Лагард ,на 21 јули рече дека потрошувачката е поддржана од заштедите што домаќинствата ги создадале за време на пандемијата и од силниот пазар на труд.
