Стапката на инфлација во Британија порасна помалку од прогнозите

Инфлацијата во Обединетото Кралство порасна помалку отколку што очекуваа економистите и Банката на Англија, што ги поттикна трговците да ги зацврстат облозите за темпото на намалување на каматните стапки во наредните месеци.

Индексот на потрошувачките цени се зголеми за 2,2 отсто во јули, објави во средата Канцеларијата за национална статистика, пониско од 2,3 отсто што ги очекуваа економистите. Инфлацијата во услужниот сектор – внимателно следена од креаторите на политиката – го достигна најниското ниво во повеќе од две години.

„И покрај тоа што првпат годинава индексот на потрошувачките цени се зголеми, податоците претставуваат „вртење“ во севкупниот тренд, рече Јаел Селфин, главен економист во КПМГ во Обединетото кралство. Тоа „треба да обезбеди одреден степен на удобност за членовите на комитетот за монетарна политика на Банката на Англија бидејќи прогнозите на банката претходно овој месец укажаа на поостро зголемување“, рече таа.

Bloomberg Mercury

Банката прогнозираше раст од 2,4 отсто во јули и пораст до 2,8 отсто подоцна оваа година, при што гувернерот Ендрју Бејли предупреди дека трошоците за задолжување паѓаат „премногу или пребрзо“. Поради ова, трговците не очекуваа промени до ноември. Банката ги намали стапките на 1 август за прв пат по пандемијата и повторно се состанува на 19 септември.

Сепак, наглото заладување на инфлацијата на услугите ги остави трговците посигурни дека кратењата ќе дојдат во ноември и декември.

Инфлацијата во услужниот сектор се олади на 5,2 од 5,7 отсто, што е најниско читање во повеќе од две години и под прогнозата на централната банка за раст од 5,6 отсто. Базичната инфлација, без цените на храната и енергијата, го достигна најниското ниво од септември 2021 година.

На Британија и требаше подолго време да ја заузди инфлацијата за разлика од другите економии од Групата седум, но најновите читања покажуваат дека е во подобра состојба од еврозоната и споредлива со хармонизираната стапка на САД. Инфлацијата во Обединетото кралство ја достигна целта на Банката на Англија од 2 отсто во мај и јуни.

Податоците „ќе ја уверат Банката на Англија дека дезинфлацијата е на вистинскиот пат и ќе ја отвори вратата за дополнително намалување на каматните стапки подоцна оваа година“, рече Рут Грегори, заменик-главен економист во „Капитал економикс“ во Обединетото Кралство.

Bloomberg Mercury

Целокупното зголемување на стапката во јули беше главно поттикнато од базните ефекти, при што сметките за енергија паднаа помалку оваа година отколку една година порано. Државната статистика објави дека цените на рестораните и хотелите имаат најголемо повлекувањето помогна да се намали инфлацијата на услугите.

Бројките покажуваат дека привремениот ефект на „Тејлор Свифт“ во зголемувањето на трошоците во угостителството исчезна откако нејзината турнеја продолжи. Цените на хотелите помогнаа да се намали инфлацијата на услугите, откако беа извор на раст минатиот месец. Цените на авиокомпаниите и пакетите за одмор, исто така, помогнаа да се намали растот на цените во најголемиот сектор во земјата.

Постои загриженост дека упорно високата инфлација на услугите и растот на платите ќе го отежнат постигнувањето на целта на одржлив начин. Сепак, централната банка го минимизираше неодамнешното зајакнување на цените на услугите, обвинувајќи ги нестабилните компоненти.

„И покрај помалите бројки, тие сè уште се високи и може да ја наведат Банката на Англија да биде претпазлива во врска со натамошните намалувања на стапките“, рече Моника Џорџ Мајкл, соработник економист во Националниот институт за економски и социјални истражувања.

Податоците за инфлацијата доаѓаат во исто време со други податоци кои се закануваат да го комплицираат потегот на Банката на Англија кон пониски каматни стапки.

Во вторникот имаше знаци на издржливост на пазарот на трудот, при што невработеноста неочекувано опадна во трите месеци до јуни по големиот пораст на вработувањата. Сепак, растот на платите и слободните работни места дополнително забавија.

Податоците за бруто домашниот производ утре се очекува да покажат дека растот продолжил на здраво ниво во вториот квартал, продолжувајќи го закрепнувањето од минатогодишната рецесија. Централната банка предупреди дека силата на економијата ги зголемува ризиците од инфлација.

Во моментов нема коментари за веста. Биди прв да коментира...

Остави коментар