.webp){kind=icon}
Францускиот регулатор за нуклеарна енергија (ASN) привремено го одобри испуштањето топла вода во реките за пет нуклеарни централи, иако тоа се смета за прекршување на еколошките стандарди.
Додека нацијата се бори со енергетска криза, ASN го одобри барањето да се задржат во функција постројките Bugey, Saint-Alban, Tricastin, Blayais и Golfech, дури и ако водата што ја испуштаат може да ја надмине дозволената граница.
Исклучокот носи одредено олеснување на европскиот пазар на електрична енергија, каде што цените се блиску до рекордно високо ниво, бидејќи продолжените топлотни бранови предизвикаа намалување на водостојот на реките и прекин на водните текови што се користат за транспорт на гориво и ладење на електраните.
Реката Рајна е на граница да стане непловна
Според правилата, Électricité de France (EDF) мора да го намали или дури и да го запре производството кога температурите на реките ќе достигнат одредени прагови за да се осигура дека водата што се користи за ладење на реакторите не ѝ штети на животната средина кога ќе се врати во водните текови.
Се очекува високите температури неделава да ги погодат Франција, Велика Британија и Германија, а според прогнозите на „Максар“ (Maxar Technologies), нивото на водата во Рајна, најважната европска река за трговија со стоки, е толку ниско што реката наскоро практично ќе се затвори за сообраќај.
Поради нивните локации и системи за ладење, петте француски нуклеарни централи се најподложни на еколошки ограничувања. Нуклеарната централа Chooz, која не доби дозвола, исто така мора да се затвори кога нивото на Меус ќе падне под одреден праг.
