Гвиндос од ЕЦБ: Отворени се опциите за потег во октомври

Европската централна банка (ЕЦБ) ќе биде подобро информирана за состојбата на економијата и инфлацијата на последниот состанок за годинава, но сепак би можела да направи потег во однос на каматните стапки следниот месец, според потпретседателот Луис де Гвиндос.

„Точно е да се каже дека во декември ќе имаме повеќе информации отколку во октомври“, изјави тој во интервју за весникот „Експресо“ (Expresso). „Но, знаете, ја оставивме вратата целосно отворена. Сакаме да ја задржиме нашата флексибилност, а тоа ќе зависи од еволуцијата на податоците“.

ЕЦБ минатата недела по вторпат ги намали трошоците за задолжување. Пазарите се обложуваат уште на еден потег во декември и се рамномерно поделени во однос на дополнителен чекор следниот месец. 

Растот на потрошувачките цени во еврозоната забавува, иако инфлацијата на услугите останува „слаба точка“, рече Гвиндос, додавајќи дека тоа е затоа што „динамиката на платите е доста покачена“.

Bloomberg

„Сега има одредена умереност, но платите, или надоместокот по вработен, растат со стапка од над 4 отсто“, посочи тој.

Гвиндос исто така истакна дека „податоците за септемвриската инфлација се очекува да изгледаат многу позитивно поради базичните ефекти, но истовремено во последниот квартал од годинава инфлацијата ќе се зголеми поради базичните ефекти“.

Во моментов нема коментари за веста. Биди прв да коментира...

Остави коментар