Германија го преиспитува воведениот данок за природен гас

Германскиот министер за економија, Роберт Хабек, изјави дека ќе разгледаат кои се начините да се спречат некои од увозниците да ја искористат новата давачка за потрошувачите со цел да го компензираат растот на цената на природниот гас.

Владата воведе данок за потрошувачите на природен гас за да може финансиски да им помогне на добавувачите кои се присилени да плаќаат зголемени цени поради намалената испорака на гас од Русија преку Северен Тек. Ако се случи да пропадне некој од германските увозници, тоа би можело да предизвика поголеми проблеми во испораката на енергија за најголемата европска економија и затоа државата презема безбедносни мерки да не дојде до таква ситуација.

Меѓутоа, тој данок предизвика политички реакции, а некои членови од владејачката коалиција на канцеларот Олаф Шолц повикаа да се преиспита прдлогот. Имаше исто такви повици и кога стана збор за воведување данок за енергетските компании чиј профит скокна поради кризата но, министерот за финансии, Кристијан Линднер, го отфрли таквиот предлог.

Хабек доцна вчера рече дека „е сигурно“ дека компаниите кои имаат корист од енергетската инфлација нема да бараат помош од владата. Првично 12 компании побарале помош од околу 34 милијарди евра.

Надоместокот за природен гас, што се воведува од 1 октомври до крајот на март 2024 година, изнесѕва 2,4 евроценти по киловат час.

„Само се обидувам да бидеме фер но, пред се имаме обврска да обезбедиме сигурност во снабдувањето со природен гас во Германија и во добри и во лоши времиња“, рече Хабек и додаде дека ќе се обидат да пронајдат правно сигурен начин да ги спречат компаниите неправилно да го користат данокот.

Во моментов нема коментари за веста. Биди прв да коментира...

Остави коментар