„Гаспром“ ги намалува испораките на гас кон Франција

Рускиот енергетски гигант „Гаспром“ ја извести „Енџи СА“ (Engie SA) дека ќе ги намали испораките на гас почнувајќи од вторник поради несогласувања околу некои договори, соопшти француската комунална компанија, што е сигнал за дополнителен притисок врз снабдувањето со енергија во Европа.

Соопштението следи по повикот од понеделникот на француската премиерка Елизабет Борн до бизнисите да ја намалат потрошувачката на енергија или да се соочат со можно рационализирање оваа зима доколку Русија ја запре испораката на гас.

„Како што претходно беше најавено, „Енџи“ веќе ги обезбеди потребните количини за да ги исполни своите обврски кон своите клиенти и сопствените барања, и воведе неколку мерки за значително намалување на сите директни финансиски и физички влијанија што би можеле да произлезат од прекин на снабдувањето со гас од страна на „Гаспром“.“, се вели во соопштението на компанијата.

Испораките на „Гаспром“ до „Енџи“ веќе беа значително намалени од почетокот на војната во Украина. Инаку, „Гаспром“ планира да го запре снабдувањето преку гасоводот „Северен тек“ кон Германија од 31 август за три дена планирано одржување.

Во моментов нема коментари за веста. Биди прв да коментира...

Остави коментар