.webp){kind=icon}
Германија го согорува речиси целиот отпад, а процесот за ослободување од ѓубрето ќе стане уште повалкан како што расте енергетската криза.
Со последниот потег за сузбивање на кризата, германските регулатори планираат да ги укинат или олабават ограничувањата на количината на отпад која горилниците смеат да ја испуштат во атмосферата за да се зголеми заштедата на енергија.
Соочувајќи се со ризик од недостиг на струја и штедење во текот на зимата, Германија се откажа од заштита на животната средина. Во тој процес ги врати во живот и електраните на јаглен за да се спротистави на намалените испораки на гас од Русија.
Сојузаните власти за животна средина сега планираат да дозволат горилниците на отпад да можат да ги зголемат емисиите на азотен оксид за една третина или евентулано да ги укинат ограничувањата целосно.
Германија има околу 150 горилници на отпад и ризикот од зголемување на загадување е голем.
„Германија е веќе позната како земја која ги пробива ограничувањата за емисиите на азотен – оксид од година во година“, вели Кристијан Теберт, советник за животна средина. „Напуштајќи ги ограничувањата за горилниците на отпад ќе биде натамошно уназадување“.
Во центарот на проблемот е амонијакот. Хемикалијата се користи за неутрализација на емисиите на азотен – оксид која многу придонесува за создавање на смог и кисел дожд која им штети на дишните патишта и го оштетува земјиштето. Но, залихите со амонијак се се помали затоа што се произведува од гас.
Промената на правилата ќе стапи на сила во случај на сериозен недостиг на аминијак, кој, изгледа веќе се заканува.
Овој месец бран на запирање со работа се случи кај европските производители на амонијак заради високите цени на гасот. Половина од капацитетите престанаа со работа.
Ако продолжи штедењето на гас, индустриските печки наскоро ќе останат без залихи со амонијак. Недостигот исто така би можел да ги загрози потребните залихи за третирање на емисиите од камионите со дизел мотори.
Итад, лоби групата на германската индустрија за горење на отпадот уверена е дека власти ќе го одобрат планот затоа што постојат малку алтернативи за управување со отпад во земјата. Германија во 2005 година значајно го намали бројот на депонии и сега спалува околу 25 милиони тони губре годишно.
„Горењето на отпадот е дека од клучната инфстаруктура на Герамнија “, вели Карсетн Шпон, директор на Итад. „Ќе мораме привремено да ги прифатиме зголемените нивоа на гасови за да продолжиме со работа“.
