.webp){kind=icon}
Европската централна банка (ЕЦБ) ќе мора да продолжи со зголемување на каматните стапки ако не се скроти сегашниот тренд на раст на цените, изјави Јоаким Нагел, претседател на германската централна банка, Бундесбанк.
„Чекорот преземен во четвртокот беше јасен знак и ако инфлациската слика остане иста, ќе мора да следуваат и други јасни чекори“, рече Нагел во интервју за германско радио. Тој одби да коментира за колку треба да се зголемат каматните стапки, укажувајќи на тоа дека централната банка и нејзините потези зависат од податоците.
ЕЦБ минатата недела ја заостри монетарната политика, зголемувајќи ја референтната каматна стапка за 75 базни поени и надлежните се подготвени да донесат уште една одлука за покачување на каматите на состанокот во октомври доколку инфлациските стапки на раст не се скротат во меѓувреме, велат извори упатени во расправата.
Прочитај повеќе
ЕУ може да избегне рецесија со ефективна акција во енергетиката
Потребни се усогласена монетарна и фискална политика и вистински пакет за енергијата
09.09.2022
ЕЦБ: Рекордно зголемување на каматните стапки
ЕЦБ агресивно ги зголеми каматните стапки за рекордни 75 основни поени со цел запирање на инфлацијата
08.09.2022
Инфлацијата во декември може да го достигне врвот и да надмине 10 отсто, рече Нагел, кој е на чело на германската централна банка од јануари.
„Во текот на 2023 година инфлациската слика веројатно до некаде ќе ослабне“, рече тој. Сепак, стапката „веројатно ќе биде на превисоко ниво од над 6 проценти“.
Зголемувањето на каматните стапки во борбата против инфлацискиот притисок може да стане потешка ако регионот влезе во рецесија, иако Нагел вели дека негов јасен предизвик е „повторно ставање на инфлацијата под контрола“.
Иако во моментов постојат некои знаци дека економијата може да стагнира, или дури и да се намали во втората половина од 2022 година и тој тренд да продолжи и следната година, сепак рецесијата, според Нагел, може да биде плитка.
„На крајот, стабилизацијата на цените можеби е поважно за растот на среден или долг рок и за добри изгледи за европскиот регион“, рече Нагел, додавајќи дека „можеби ќе дојде до сушен период што ќе треба да се надмине но, за сега барем изгледа дека тој сушен период и пад на економијата нема да биде сериозен“.
