Инфлацијата во Обединетото Кралство се спушти од 40-годишниот максимум

Стапката на инфлација во Обединетото Кралство се спушти од највисокото ниво во последните 40 години поради падот на цената на бензините, но и натаму темпото на раст на цените е непријатно високо за британската централна банка.

Индексот на потрошувачки цени порасна на 9,9 проценти за една година, но сепак е помал од јулскиот процент на раст на цени, кој што изнесуваше 10,1 отсто. Податоците од националното статистичко биро на Обединетото Кралство се во согласност со очекувањата на економистите, чии проценки беа дека стапката на раст ќе изнесува 10 отсто.

Премиерката Лиз Трас планира да го замрзне растот на сметките за струја за да го намали ценовниот удар врз домаќинствата, што според економистите краткорочно ќе ја намали инфлацијата, но цените ќе останат високи и во текот на следната година.

Експертите минатиот месец предвидуваа мал пад на инфлацијата, како резултат на падот на цените на горивата за 7 проценти.

Bloomberg Mercury

Економистите на Блумберг очекуваат дека инфлацијата во октомври ќе го достигне врвот од 10,5 проценти, што е значајно под прогнозата на британската централна банка, Bank of England, која предвидува стапка на раст на цените од 13 проценти. Но, таквата прогноза беше објавена пред новата премиерка Трас да ги објави своите мерки за справување со инфлацијата. Инаку, најголем дел од економистите, вклучувајќи ги и банкарите од британската централна банка, очекуваат брзо повлекување на цените во текот на следната година, под претпоставка дека трошоците за природен гас и електрична енергија нема да растат.

Во моментов нема коментари за веста. Биди прв да коментира...

Остави коментар