.webp){kind=icon}
Во вториот квартал од 2022 година, стапката на слободни работни во еврозоната изнесува 3,2 проценти, што е зголемување во однос на стапката од 3,1 проценти во претходниот квартал и 2,3 проценти во вториот квартал од 2021 година, објави „Евростат“. Истовремено, стапката на слободни работни места во ЕУ изнесува 3 проценти во вториот квартал од 2022 година, што е зголемување во однос на стапката од 2,9 проценти во претходниот квартал и 2,2 проценти во вториот квартал од 2021 година.
„Во споредба со четвртиот квартал од 2019 година, пред избувнувањето на Ковид-19, стапките на слободни работни места се зголемени за 1,0 процентен поен (п.п) во еврозоната и за 0,9 п.п. во ЕУ“, соопшти „Евростат“.
Во еврозоната, стапката на слободни работни места во вториот квартал од 2022 година беше 2,9 проценти во индустријата и градежништвото и 3,7 проценти кај услугите. Во ЕУ стапката е 2,8 проценти во индустријата и градежништвото и 3,5 проценти во услугите.
Меѓу земјите-членки за кои се достапни споредливи податоци, највисоки стапки слободни работнио во вториот квартал од 2022 година се забележани во Холандија (5,1 проценти), Белгија (5 проценти), Чешка (4,9 проценти) и Австрија (4,8 проценти). Спротивно на тоа, најниски стапки се забележани во Бугарија, Шпанија и Романија (0,9 проценти).
Во споредба со истиот квартал од претходната година, стапката на слободни работни места се зголеми во дваесет и четири земји-членки, а остана стабилна во Чешка, Хрватска и Полска. Најголеми зголемувања се забележани во Германија (+1,6 п.п.), Австрија (+1,4 п.п.) и Холандија (+1,3 п.п.).
