Инфлацијата во еврозоната би можела да достигне врв од 6,3 отсто во првиот квартал од 2027 година во случај на „сериознo сценарио“ во развојот на настаните во Иран, соопшти Европската централна банка (ЕЦБ).
Откако шести пат по ред ги задржа каматните стапки на ниво од два отсто и посочи дека е добро позиционирана да се справи со последиците од растот на трошоците за енергија, ЕЦБ соопшти дека нејзиното екстремно сценарио - објавено заедно со кварталните економски проекции - би предизвикало и кратка рецесија во блокот од 21 земја.
Таков исход, кој подразбира отсуство на монетарен и фискален одговор, се базира на сериозни нарушувања во снабдувањето со енергија кои би траеле до крајот на 2026 година, како и на значајно дополнително разурнување на енергетската инфраструктура.
Основното сценарио на ЕЦБ предвидува раст на потрошувачките цени од 2,6 отсто оваа година, додека бруто домашниот производ би требало да порасне за 1,9 отсто. Претседателката Кристин Лагард изјави дека ризиците по инфлацијата се на страната на раст, додека ризиците по економијата се насочени надолу.
Инвеститорите очекуваат дека ЕЦБ ќе реагира, па веќе пресметуваат најмалку две зголемувања на каматните стапки во текот на годинава.
.webp){kind=icon}
