„Макпетрол“ изразува сериозна загриженост по повод одлуката на Регулаторната комисија за енергетика (РКЕ), со која признатиот трошок за работење преку склад се намалува на 1,20 денари за литар, односно за околу 30 проценти по литар. Оваа измена е дел од одлуката донесена на 30 март 2026 година.
„Станува збор за значајна промена во правилникот која, како и претходната, е донесена без претходни консултации со компаниите што директно учествуваат во снабдувањето и функционирањето на пазарот на нафтени деривати. Вакви суштински интервенции мора да бидат предмет на дијалог со сите засегнати страни“, наведуваат од „Макпетрол“.
Од компанијата велат дека особено загрижува што во образложението на одлуката, без основ, се наведува дека целта на измената е заштита на потрошувачите и обезбедување сигурност и стабилност во снабдувањето.
Прочитај повеќе
Бензинот поевтинува од полноќ, цената на дизелот останува иста
Според новата одлука на РКЕ, малопродажните цени се изменети во просек за 1,41 отсто во однос на претходната пресметка од 23 март.
пред 2 часа
„Макпетрол“ ќе продава горива по цени пониски од максималните објавени од РКЕ
Дизел-горивото на „Макпетрол“ од вечерва по полноќ ќе се продава по цена пониска за три денари од таа објавена од Регулаторната комисија за енергетика.
24.03.2026
Раст на приходите и добивката, но што не е спектакуларно кај „Макпетрол“?
Профитабилноста порасна на сите нивоа, подобрена е структурата на продажбите и оперативната ефикасност
27.02.2026
„Според реалната состојба на пазарот, актуелните услови се исклучително сложени, а трговците со нафтени деривати веќе подолг период работат под силен финансиски притисок. Во услови на нестабилни движења на светските пазари, поради одлуките на РКЕ, трговците се принудени дериватите да ги набавуваат по повисоки цени од малопродажните, што значи работење со загуба“, соопшти компанијата.
Оттаму сметаат дека ваквата мерка не придонесува за зголемување на стабилноста, туку напротив, може дополнително да ја наруши одржливоста на работењето во секторот и сигурноста на снабдувањето на пазарот.
.webp){kind=icon}
