Во 2025 година биле извршени 249 милиони безготовински платежни трансакции во Македонија, што претставува годишен раст од 7,1 отсто, при вредност од 9,72 милијарди денари и раст од 36,4 отсто на годишна основа, соопшти Народната банка. Растот е поттикнат од сѐ почестото користење на платежните картички и од континуираното зголемување на електронските кредитни трансфери, што упатува на поширока прифатеност на електронските начини на плаќање.
Бројот на платежни трансакции со платежни картички пораснал за 8,4 отсто, при што нивното учество во вкупните безготовински плаќања достигнало 69,1 отсто. Раст е забележан и кај плаќањата во е-трговијата и на ПОС-терминалите, што укажува на натамошно јакнење на дигитализацијата и довербата во електронските канали за плаќање. Кај граѓаните, 71,7 отсто од електронските кредитни трансфери биле иницирани преку мобилни уреди.
Во рамките на разгледувањето на состојбите во платежната инфраструктура од страна на Народната банка беше оценето дека продолжува развојот на современите дигитални решенија и бесконтактни плаќања. На крајот на 2025 година, во земјата имало околу 2 милиона платежни картички, од кои 98,7 отсто овозможуваат бесконтактни плаќања, додека 97,4 отсто од ПОС-терминалите биле подготвени за бесконтактна технологија.
Прочитај повеќе
За две минути над 1.000 трансакции со картички само преку една македонска банка
Во три децении користењето картички во земјава бележи раст од околу 130.000 картички во 2005 година до една картичка по жител денес.
16.04.2026
Над 60 отсто од плаќањата во евра се преку новата шема на СЕПА
Кај компаниите речиси половина од плаќањата во евра се преку СЕПА, при што најактивни биле извозно-увозните фирми со редовни трансакции кон европските партнери.
23.02.2026
Европските банки се ослободуваат од ризикот за корпоративни кредити вредни 500 милијарди долари
Заемодавателите го зголемија своето потпирање на таканаречените трансакции со значителен трансфер на ризик.
26.05.2026
Вештачката интелигенција на „Антропик“ го тресе светот на сајбер-безбедноста
„Антропик“ го лансира својот нов ВИ-модел Митос за финансиските институции во Британија.
16.04.2026
Во банките чуваме рекордни 10,7 милијарди евра иако инфлацијата ги „јаде“ каматите
Штедењето расте и покрај разгорената инфлација која беше и сѐ уште е повисока отколку каматите на депозитите, поради што се обезвреднува приносот на штедачите.
03.02.2026
Советот на Народната банка го разгледа и Извештајот за поплаките кон банките и штедилниците во 2025 година, при што беше констатирано намалување на бројот на поплаките од физичките лица и натамошно унапредување на системите за заштита на потрошувачите во банкарскиот сектор.
Во 2025 година, бројот на поплаките доставени до банките и штедилниците се намалил за 4,1 отсто во однос на 2024 година. Во корист на клиентите биле решени 71,5 отсто од поплаките. Воедно, беше посочено дека Народната банка продолжува со активностите за унапредување на системите за заштита на потрошувачите во банкарскиот сектор, со цел обезбедување поголема информираност, фер практики и ефикасна заштита на правата на потрошувачите.
.webp){kind=icon}
