.webp){kind=icon}
Се очекува значително повисок раст на цената на нафтата во 2022 година во споредба со проекциите од октомври, пишува во најновиот квартален извештај на Народната банка кадешто се презентирани мајските макроеконосмки проекции.
„Така, за 2022 година се очекува дека растот на цената на нафтата ќе изнесува 49,1 отсто (3,8 отсто во октомври), главно под влијание на ескалацијата на конфликтот во Украина, што предизвика недостиг на страната на понудата поради воведувањето забрана за увоз на руска нафта од страна на САД и Обединетото Кралство, при натамошно задржување на одлуката за умерено месечно зголемување на производството на нафта од страна на земјите членки на ОПЕК+. Од друга страна, за 2023 година се очекува поголемо надолно придвижување на цената од проекциите од октомври, односно пад од 14,1 отсто (наспроти пад од 8,2 отсто).“, пишува во извештајот на Народната банка.
