Владата ги замрзна цените на пелети и на огревно дрво од даб и бука.
„На денешната седница Владата донесе Одлука за определување на највисоки цени во трговијата на мало на огревно дрво од даб, огревно дрво од бука и пелети за огрев“, соопштуваат од владината прес служба.
Според тоа, максималната цена по која што ќе се продава огревното дабово дрво изнесува 4.500 денари за метар кубен, односно 6.429 денари за кубик дрво од бука. Највисоката цена за пелети во малопродажбата ќе изнесува 27 денари за килограм, со тоа што во цената е вкалкулиран и данокот на додадена вредност и транспортот.
Оваа владина одлука стапува во сила веднаш по објавата во Службен весник, а ќе се применува до крајот на годинава.
Но, Владата истовремено донесе одлука со која престанува важноста на замрзната маржа за огревно дрво и пелети, што беше претходно во сила, а со која што сите трговци беа ограничени на максимална маржа од 10 проценти.
Државниот пазарен инспекторат при постојаните контроли на терен не констатираше прекршоци и непочитување од страна на трговците на одлуката за максимална маржа.
Трговците со пелети се жалеа дека не е проблем само цената на овој производ, туку и недостапноста, односно недостигот од пелети во светски рамки. Поради многу високите цени дел од нив целосно се откажаа од препродажба на пелети.
Владата смета дека во овие мерки придонесува за ублажување на последиците од енергетската криза.
.webp){kind=icon}
Во моментов нема коментари за веста. Биди прв да коментира...