.webp){kind=icon}
„Зголемувањето на каматната стапка од страна на Народната банка за 0,75 базични поени беше очекувано и е во линија со потезите на големите централни банки, а сега на потег се комерцијалните банки во Македонија, бидејќи се очекува и тие да ги подигнат каматните стапки на депозитите и на кредитите“, изјави Сашо Дракуловски од „Вега фондови“, во гостувањето на Блумберг Адрија.
„Тоа ќе доведе до намалување на економската активност, па ќе дојдеме до еден друг предизвик и очекувам некаде во втората половина на наредната година да имаме рецесија, која ќе ја донесат скапите кредити и скапите пари“, посочува Дракуловски, кој прогнозира дека идната година главна економска тема ќе биде токму борбата со рецесијата.
Дракуловски се осврна и на негативните стапки во приносите кај инвестициските фондови.
„Секогаш кога се вложува во фондови, главен критериум треба да биде долгорочното вложување. Така што, ако една година имаме негативен принос, тоа не значи дека е нешто лошо. Ако се погледне десет години наназад, сите фондови, инвестициски, акциски, испорачаа позитивни приноси. Ако се земе превид десетгодишно вложување или петгодишно, тој негативен принос ќе се нивелира. Очекувам просечниот принос за десет години повторно да биде позитивен“.
Целиот разговор со Дракуловски погледнете го во видеото прикачено во рамките на објавата.
