Сè поголемата трговска соработка меѓу Македонија и Словенија ја прави нужна потребата за повторно воспоставување на авиолинијата Скопје - Љубљана. На бизнис-форумот, на кој беа присутни македонски и словенечки стопанственици, ресорните министри од двете држави објавија дека ќе отворат јавен повик за обезбедување авиопревозник што ќе оперира на линијата Скопје - Љубљана - Скопје.
За бизнисот тоа е одлична вест, бидејќи ќе се олесни комуникацијата.
„Се надевам дека тие постапки ќе се спроведат во текот на следната година и барем до крајот на 2023 година да имаме авионска линија меѓу Македонија и Словенија на редовна основа“, вели Војдан Јорданов, претседател на Друштвото на словенечки и македонски компании, кој гостуваше во Блумберг Адрија ТВ.
Трговската размена меѓу двете земји постојано расте, а од година на година се зголемува и покриеноста на увозот со извоз и сега е околу 70 проценти. Јорданов вели дека очекуваат зајакнување на трговскиот однос меѓу двете земји и да продолжи континуираниот раст на трговската размена.
Целиот разговор со Војдан Јорданов, претседател на Друштвото на словенечки и македонски компании, погледнете го во видеото.
.webp){kind=icon}
