Излезот од кризата експертите го гледаат во иновација, дигитализација и трансформација кон зелено производство и енергија од обновливи извори. Во разговор за Блумберг Адрија ТВ, Глигор Бишев, претседател на Советот за унапредување на образованието при Стопанската комора на Македонија, зборува за тоа како компаниите полесно да ги надминат последиците од кризата и да постигнат побрз развој.
„Гледано на краток рок, приоритет ќе биде соборување на инфлацијата, а долгорочно трансформацијата на економиите кон незагадувачки индустрии, кон производство и користење зелена енергија, кон органско земјоделско производство, исто така и премин кон дигитализација и автоматизација на економиите ќе бидат новите трендови. И тука улогата на државата нема да биде како досега, пред сè да се вклучува во интервенции во економскиот живот кога има рецесија, а во добрите времиња да се повлекува, туку таа ќе мора да ги поддржи иновациите, истражувањата, развојот, образованието на кадарот и економскиот раст да се базира на новите динамички технологии. И тоа ќе бара огромни средства, тоа нема да биде спринт на економските субјекти, туку ќе биде маратон што ќе трае речиси една деценија, кој ќе генерира и ќе појави нов вид економија, која ќе расте на база на иновациите, технолошкиот развој и зелената енергија“, вели Глигор Бишев.
.webp){kind=icon}
