.webp){kind=icon}
И од Регулатроната комисија за енергетика (РКЕ) и од Национални енергетски ресурси (НЕР) уверуваат дека нема да има проблем со снабдувањето со гас во земјава по 01 јануари 2023 година откако „Макпетерол“ се откажа од увозот на енергентот.
„Државата го има договорот со Газпром и апсолутно си го почитува до крај. Овој дополнителен капацитет од 500 илјади нормални кубни метри за којшто помогнаа Булгартрансгас и ГА-МА да се зголеми, ќе биде предмет на аукција и за тој капацитет ќе може да се јават, а и веќе се јавиле од бугарска страна двајца трговци со природен гас коишто го закупиле. Тие штом го закупиле сигурно дале пари за тоа се и заинтересирани да влезат и на нашиот пазар за природен гас. Значи, тие 800 илјади нормални кубни метри остануваат во функција и Газпром преку компанијата Макпетрол може да ги стави на располагање на македонските потрошувачи“, рече претседателот на РКЕ, Марко Бислимоски.
На јавната расправа која денеска беше организирана по настаниот проблем, Бислимоски уште рече дека греење ќе има затоа што ТЕТО која обезбедува гас за околу 75 отсто од Скопје има договорени количини за цела 2023 година.
Прочитај повеќе
Се зголемува нетрпението за гасот: Макпетрол тврди дека не е монопол
Засега нема решенија само меѓусебни обвинувања од државата и компанијата
23.12.2022
Ковачевски: Државата не функционира со уцени, гас ќе обезбедиме
Во време на енетргетска криза треба да имаме пристап во работата кој не вклучува уцени
23.12.2022
Државната ЕСМ на јавен повик бара гас за топланите и фирмите
Се бараат количини гас за периодот од јануари до април 2023 година
23.12.2022
„Во земјава има 13 трговци со природен гас кои имаат лиценци за трговија и нема законска пречка тие да се пријават на јавниот повик кој денеска го објави ЕСМ“, вели Бислимоски.
Државната ЕСМ денеска на оглас побара да се јават понудивачи и да понудат количини природен гас за периодот од јануари до април догодина. Тој гас би се користел на дел од топланите во Скопје кои обезбедуваат греење, но и за компаниите кои работат исклучиво на овој енергент.
Според дитректорот на НЕР, Бајрам Реџепи, тоа е целта на договорот за интерконкција потпишан пред два месеци во Софија, да се овозможи и други компании да се вклучат во бизнисот со трговија на гас.
„Целта е да имаме повеќе извори за снабдување. Не е точно тврдењето дека ова се прави за да не се снабдуваме со руски гас. Ние можеме и натаму да земаме гас од Газпром, но важно е да имаме и други снабдувачи“, вели Бајрами.
Тој, истовремено, ги оцени како неточни тврдењата во јавноста дека елиминацијата на „Макпетрол“ се прави со цел снабдувањето со гас да го преземат една бугарска фирма блиска до СДСМ и друга, турска компанија блиска до ДУИ.
