.webp){kind=icon}
Струјата за домаќинствата во првиот и во вториот блок од први јануари се намалува, а се зголемува во третиот и четвртиот блок. Намалување има и на цената за малите потрошувачи, соопшти денеска на прес-конференција претседателот на Регулаторната комисија за енергетика, Марко Бислимоски.
Цената на електричната енергија кај домаќинствата во првиот блок се намалува за 4,11 проценти, во вториот блок за 2,95 проценти, во третиот блок се коригира и се зголемува за 0,85 проценти, а во четвртиот се зголемува за 7,65 проценти.
Во новата цена на струјата од први јануари е пресметано и зголемувањето на ДДВ од 5 на 10 проценти.
Прочитај повеќе
И надлежните и експертите сметаат дека зимава нема да има рестрикции
Нашите соговорници во „Зум ин“ велат дека производствените капацитети ќе бидат доволни и покрај староста.
20.12.2022
Ковачевски: Можна е поевтина струја за малите потрошувачи
Премиерот истакна дека уште се прават калкулациите за цената на струјата.
18.12.2022
Ковачевски: Нема да има ценовен шок од струјата
Премиерот најави дека може да се случи и намалување на цената за одредени категории потрошувачи
16.12.2022
„За да не се почувствува ефектот од зголемувањето на ДДВ, ги намаливме цените во првиот и вториот блок“, рече Бислимовски, кој информира дека делумно се прифатени барањата на енергетските компании, како и дека има фактори на корекција што ги имплементирале во одлуката.
Како што информира, вкупната цена за електрична енергија на малите потрошувачи се намалува за 20,15 проценти. Таа цена ќе се применува за 70.000 компании во државата што во изминатиот период се соочуваа со зголемени трошоци.
„Тоа се мали и микрокомпании, мали дуќани, фризерници, берберници, мали кафулиња“, рече Бислимоски.
Според него, 99,2 проценти од домаќинствата во државата ќе имаат намалени цени на електричната енергија.
„Доколку продолжат домаќинствата да штедат, многу мал процент ќе имаат зголемени трошоци за електрична енергија. Тоа се конкретни мерки што ќе им помогнат на граѓаните за да им се подобри животниот стандард“, рече Бислимоски.
Тој соопшти дека со овие одлуки, цената за пренос на електрична енергија се намалува за 8,66 проценти, а на дистрибуција за 19,54 проценти. Тоа, како што посочи, е дополнителна помош и за компаниите што се на слободниот пазар на електрична енергија, затоа што нивните трошоци за мрежарина, која ги вклучува преносот и дистрибуцијата, се намалуваат речиси за 20 проценти.
„Она што е исто така многу битно, во изминатиот период имаше реакции дека трошокот за мрежарина е поголем од трошокот за енергија. Сега тоа ќе се промени поради тоа што трошокот на дистрибуција на електрична енергија за категоријата каде што се приклучени домаќинствата, тоа е ЛВ2, се намалува за 20,6 проценти“, рече Бислимоски.
Во пресрет на денешната одлука на РКЕ, МЕПСО побара зголемување на цената за пренос на електрична енергија за 29,75 отсто, „ЕВН електродистрибуција“ намалување на услугата за дистрибуција за 2,8 отсто, а универзалниот снабдувач „ЕВН хоум“ зголемување за пет отсто на цената за снабдување на малите потрошувачи и домаќинствата.
