.webp){kind=icon}
Над 180 компании, меѓу нив и банките, со годишни приходи од над 10 милиони евра, во 2023 година ќе платат данок на екстра-профит од 30 отсто.
Во гостување на оваа тема на Блумберг Адрија ТВ зборуваше директорот на Стопанската комора на северозападна Македонија, Дрилон Исени, според кого сега не е време да се оданочуваат успешните компании, а пристапот на надлежните е проблематичен.
Прочитајте повеќе: Пенал во последна минута: На бизнисите не им се допаѓа екстра-данокот
„Прашањето е дали овие успешни компании ја оствариле таквата добивка само поради кризата, или тоа се однесува на нешто друго, како на пример воведување нови технологии, проширување и сл. Начелно сметаме дека во време на последователни кризи и низа политики што ја отежнуваа работата на бизнис-секторот, сега Владата бара други креативни начини да си собира пари за да може тие средства да ги инјектира во општеството“, посочи Исени.
Според него, пристапот не е во ред од причина што треба да се оданочуваат само оние сектори што реално имале добивки од кризата, а не тоа да биде хоризонтална мерка за сите компании.
„Ние направивме и анализа колку државата му должи на бизнис-секторот. Околу милијарда евра се долговите на државните институции, јавните претпријатија... Ако тие средства се ослободат, бизнисот ќе има причина да плаќа дел од овој данок“, истакна директорот на Стопанската комора на северозападна Македонија.
Целиот разговор со него погледнете го на видеото во рамките на објавата.
