Владата да го либерализира увозот на работна сила од странство, со што на некаков начин ќе се ублажи хроничниот недостиг на работници во повеќе дејности во земјава, изјави Ангел Димитров, претседател на Собранието на Организацијата на работодавачи (ОРМ) при гостувањето на Блумберг Адрија ТВ. Димитров вели дека во 2022 година квотите за увоз на работници во Македонија се исцрпиле веќе во октомври, поради што како што вели, добро е да нема квоти или барем да се зголемат.
„За разлика од развиените економии кои исто така се соочуваат со недостиг на работна сила и стареење на населението, а таму проблемот се решава со увоз, ние имаме недостиг и дополнително извоз на работна сила. Сега веќе имаме недостиг во целата преработувачка индустрија, во некои занаетчиски дејности, а ќе дојде време кога ќе нема работници и во јавниот сектор. Ние два пати се обративме официјално до Владата да се золемат квотите за увоз на работници. Дозволите кои се издаваат се добиваат низ сложена процедура ама има и квоти кои се исполнуваат брзо. Бараме да либерализира пазарот на труд и да се добие на таков начин можност да се носат работници од Блискиот исток, од Бангладеш и слично, вели Димитров.
Тој додава дека платите во земјава доста пораснале и дека и оддолеале на инфлацијата.
Целиот разговор е во видеото.
.webp){kind=icon}
