.webp){kind=icon}
Цените на становите нема да се намалуваат, но ќе останат стабилни. Такви се очекувањата на Никола Велковски од Здружението на градежништво при Стопанската комора на Македонија (СКМ). Тој во гостување на телевизијата Блумберг Адрија вели дека по рекордниот раст на цените на недвижностите во 2022 година, не верува дека толку брзо ќе дојде до намалување на цените поради стабилно високите цени на материјалите што се користат во градежништвото.
„Градежниците дури се обидуваат да ја зголемат цената, но не верувам дека ќе успеат во тоа. Сепак, не очекувам во наредните пет-шест месеци, до летоска, да се намали цената на становите, затоа што тие некако ја стабилизираа цената на тоа ниво, а и купувачите. Знаете дека цените зависат од односот побарувачка и понуда, а побарувачка има и затоа мислам дека уште некое време цените ќе се задржат на ова ниво“, вели Никола Велковски од Здружението на градежништво при СКМ.
Тој смета дека во услови кога нема поевтинување, но има стабилизирање на цените на материјалите, добро е да се вложува во недвижности.
„Можеби сега е најдобро да се вложува во преработка и производство на храна и во делот на недвижности, бидејќи тука сега се стабилизирани цените во овој период. Во однос на кредитите, веќе не е многу поволно, но ние имаме голема побарувачка од другите градови со плаќање во готово. Но понудата веќе нема да биде толку добра во однос на локации, бидејќи и атрактивните и квалитетни локации се намалени“, вели Велковски.
Целиот разговор погледнете го во видеото.
