Скопје се најде на второто место на листата дестинации што во изминативе пет години имаат најголем пораст на лица што работат од далечина или таканаречени дигитални номади. Дестинациите се рангирани според стапките на раст на пријавувањата од членовите на платформата „Номад“, која користи податоци во живо, односно 243.168 пријавувања од различни локации.
„Работата на далечина сега е на експоненцијална траекторија и брзо расте. Со нејзиниот раст, илјадници дестинации, од мали села за сурфање до космополитски мегаградови, сега се натпреваруваат да привлечат работници од далечина. Секоја секунда ’Номад листа’ го следи движењето на десетици илјади дигитални номади за да ги забележи тековните трендовски места за живеење и работа од далечина“, велат од платформата.
На првото место на листата дестинации со најголем раст на бројот на дигитални номади е италијанскиот град Палермо, каде што „Номад“ забележува пораст од 500 проценти во изминативе пет години. Скопје е на второто место, со пораст од 417 проценти во истиот период, а на третото место е гратчето Азорес во Португалија, со петгодишен пораст на бројот на номади од 361 процент.
Инаку, Скопје е на 90-то место во вкупното рангирање на „Номад“ за најпривлечни дестинации за дигиталните номади. Членовите на платформата како позитивни карактеристики за работењето од далечина од Скопје ги наведуваат ниските трошоци за живот и безбедноста, а меѓу негативните карактеристики се посочуваат загадувањето на воздухот, лошото здравство, студеното време во зима, непријателскиот однос кон ЛГБТ-заедницата, ограничените можности за забава, лошото здравство итн.
.webp){kind=icon}
