Илиевски: Потребна е промена на стандардите за увоз на автомобили

Македонците и натаму повеќе купуваат половни автомобили, иако продажбата на нови има постојан пораст. 

Игор Илиевски, генерален директор на „Автомакедонија“, во интервју за „Старт“ на „Блумберг Адрија“, посочува дека во изминатите четири години продажбата на нови патнички автомобили во просек расте од година во година за 10 отсто, додека увозот на половни возила опаѓа.

„Само минатата година од вкупно 32.000 увезени патнички автомобили околу 9.000 се нови, а 23.000 се стари. Новите бележат значителен раст од околу 50 отсто, а половините значителен пад“, вели Илиевски, но додава дека за разлика од земјите во опкружувањето каде се обидуваат да го подмладат возниот парк, секаде стандардите за увоз се Еуро 5 минимум, а во Македонија е Еуро 4, што секако нема да придонесе за подмладување на возниот парк.

Во Македонија во 2021 година, просечната старост на возниот парк изнесувала 19,5 години, и истата последните години постојано се зголемува.

„Македонија е далеку од светските трендови во поглед на електрификацијата“, смета Илиевски. Но дадава дека улога во ова треба да имаат и општините преку јавниот транспорт, но и помош од државата преку субевнции за ваков тип на возила. Посочува дека во Германија 18 отсто од продадените возила се електрични.